سەيسەنبى كۇنى كۋۆەيتتىڭ تاق مۇراگەرى شەيح ماشال ءال-احمەد ءال-دجابەر اس-ساباح ەلدىڭ ۇلتتىق اسسامبلەياسىن (پارلامەنت) رەسمي تۇردە تاراتۋ تۋرالى جارلىققا قول قويدى, دەپ حابارلايدى Egemen.kz سينحۋا اگەنتتىگىنە سىلتەمە جاساپ.
تاق مۇراگەرى جارلىقتا پارلامەنتتى تاراتۋ ەلدىڭ بىرلىگىنە قاۋىپ توندىرەتىن قازىرگى الاۋىزدىقتار مەن داۋلاردى جويۋعا باعىتتالعانىن ايتتى.
22 ماۋسىمدا مۇراگەر ماشال ءال-احمەد ءال-دجابەر اس-ساباح كۋۆەيت ءامىرى شەيح ناۆاف ءال-احمەد ءال-دجابەر اس-ساباحتىڭ اتىنان تەلەديدار ارقىلى ءسوز سويلەپ, زاڭ شىعارۋشى بيلىكتىڭ اكىمشىلىك ورگانداردىڭ جۇمىسىندا ۇنەمى ارالاسۋى مەن اكىمشىلىك ورگانداردىڭ ءوز مىندەتتەرىن تيىسىنشە ورىنداماۋى تاراپتار اراسىنداعى قارىم-قاتىناستاردىڭ ۇزىلۋىنە اكەلىپ سوقتىرعانىن مالىمدەدى.
كونستيتۋتسياعا سايكەس, ۇلتتىق جينالىستى تاراتىپ, كەزەكتەن تىس پارلامەنت سايلاۋىن وتكىزۋ شەشىمى قابىلداندى.