پاكىستاننىڭ وڭتۇستىك-باتىسىنداعى بەلۋدجيستان پروۆينتسياسىندا اسكەري تىكۇشاق قۇلاپ, التى ادام مەرت بولدى, دەپ حابارلايدى Egemen.kz سينحۋا اگەنتتىگىنە سىلتەمە جاساپ.
سەيسەنبى كۇنى جەرگىلىكتى اسكەريلەر حابارلاعانداي, اۋە كەمەسىنىڭ سىنىقتارى تابىلعان, ءتىرى قالعاندار جوق. تىكۇشاق سۋ تاسقىنىنان زارداپ شەككەندەرگە كومەك كورسەتۋ ميسسياسىن ورىنداۋعا شىققان. كەيىن ونىمەن بايلانىس جوعالعان.
بورتتاعى التى ادام كوز جۇمدى. ولاردىڭ قاتارىندا 12-كورپۋستىڭ جوعارى دارەجەلى اسكەري قولباسشىسى گەنەرال-لەيتەنانت سارفراز ءالي بار. الدىن الا مالىمەت بويىنشا, اپات قولايسىز اۋا رايى سالدارىنان بولعان.
پاكىستاننىڭ پرەمەر-ءمينيسترى شاحباز شاريف قازا تاپقانداردىڭ تۋىستارىنا كوڭىل ايتتى.
پاكىستاننىڭ تابيعي اپاتتارىمەن كۇرەس جونىندەگى ۇلتتىق باسقارمانىڭ مالىمەتىنشە, ەلدە 14 ماۋسىمنان بەرى مۋسسوندىق جاڭبىر مەن سۋ تاسقىنى سالدارىنان 502 ادام قازا تاۋىپ, تاعى 593 ادام زارداپ شەككەن.
ەسكە سالا كەتەيىك, كەشە پاكىستاندا اسكەري تىكۇشاق جوعالىپ كەتكەنىن حابارلاعان ەدىك.