جىل سايىن ەلىمىزدە جانار-جاعارماي تاپشىلىعى تۋىندايتىنى بەلگىلى. قۇزىرلى ورگانداردىڭ مالىمەتىنە سۇيەنسەك, كەي پىسىقايلار ىشكى نارىققا ارنالعان مۇناي ونىمدەرىن زاڭسىز جولمەن شەتەلگە جونەلتەدى ەكەن. قارجىلىق مونيتورينگ اگەنتتىگىنىڭ حابارلاۋىنشا, جىل باسىنان بەرى قۇنى 4 ملرد تەڭگە بولاتىن جالپى كولەمى 20 مىڭ توننا مۇناي ونىمدەرىنىڭ زاڭسىز اينالىمى فاكتىلەرى بويىنشا 35 قىلمىستىق ءىس قوزعالعان.
مەملەكەت باسشىسىنىڭ تاپسىرماسىن ورىنداۋ ماقساتىندا قما مۇناي ونىمدەرىن شەتەلگە ەكسپورتتاۋدىڭ ۇيىمداستىرىلعان سحەمالارىنىڭ جولىن كەسۋ بويىنشا بەلسەندى جۇمىسىن جالعاسىن تاپقان.
جىل باسىنان بەرى قارجىلىق مونيتورينگ اگەنتتىگى 4 ملرد تەڭگەگە جالپى كولەمى 20 مىڭ توننا مۇناي ونىمدەرىنىڭ زاڭسىز اينالىمى فاكتىلەرى بويىنشا 35 قىلمىستىق ءىس قوزعادى. مىسالى, جامبىل وبلىسىندا قىرعىز رەسپۋبليكاسىنا ەكسپورتتاماق بولعان كەزدە اي-92 ماركالى بەنزينى بار 5 تەمىرجول تسيستەرناسى ۇستالدى. قۇجاتتا بۇل باسقا ءونىم, ياعني لاك كەتىرەتىن ەرىتكىش كورسەتىلگەن. تاركىلەنگەن جانار-جاعارمايدىڭ جالپى سوماسى شامامەن 60 ميلليون تەڭگەنى قۇرادى.
پاۆلودار وبلىسىندا «ورگانيكالىق ەرىتكىش» دەگەن جالعان اتاۋمەن رەسەي فەدەراتسياسىنا ەكسپورتتاماق بولعان ديزەل وتىنى بار 4 تەمىرجول تسيستەرناسى ۇستالدى. سونداي-اق پاۆلودار وبلىسىندا جشس ديرەكتورى راستايتىن قۇجاتسىز 660 توننادان استام مازۋتتى 76 ملن تەڭگەگە ساتقان.
بۇعان دەيىن 2021 جىلى اتىراۋ وبلىسىندا ەكى كومپانيانىڭ ديرەكتورى جالپى سانى 6 مىڭ تونناعا جۋىق ديزەل وتىنىن ساتىپ الىپ, ونى 1,8 ميلليارد تەڭگەگە زاڭسىز ساتقان.
سوتقا دەيىنگى تەرگەپ-تەكسەرۋ اياسىندا جانار-جاعارمايدىڭ شىعۋ كوزدەرى مەن ونىڭ اينالىمىنا قاتىسى بار تۇلعالار انىقتالىپ جاتىر. ولاردى تابۋ ءۇشىن اناليتيكالىق قۇرالدار كەڭىنەن قولدانىلىپ, تەرەڭ وپەراتسيالىق ازىرلەمەلەر جۇزەگە اسىرىلادى. وڭىرلەردە شەكارا قىزمەتى جانە مەملەكەتتىك كىرىس ورگاندارىمەن ءوزارا ءىس-قيمىل جولعا قويىلىپ, بىرلەسكەن جۇمىس جوسپارلارىنا قول قويىلدى.