ءۇندىستاننىڭ ورتالىق بولىگىندەگى مادحيا-پرادەش شتاتىندا جەكە اۋرۋحانالاردىڭ بىرىندە ءورت شىعىپ, سالدارىنان 9 ادام قازا تاپتى, 8-ءى اۋىر جاراقات الدى. بۇل تۋرالى Egemen.kz سينحۋاعا سىلتەمە جاساپ حابارلايدى.
«مۋمبايدان 1094 قاشىقتىقتا ورنالاسقان دجابالپۋر قالاسىندا ءۇش قاباتتى اۋرۋحانا عيماراتىندا ءورت شىعىپ, جالىن قورشاۋىندا قالعان 150 ادام ەۆاكۋاتسيالاندى», دەدى دجابالپۋرا پوليتسياسىنىڭ باس سۋپەرينتەندانتى اكحيلەش گاۋر.
ونىڭ ايتۋىنشا, ىزدەۋ جۇمىستارى اياقتالدى. عيماراتتىڭ ءبىرىنشى قاباتى تولىق قيراعان. وقيعا ورنىنا ءورت ءسوندىرۋ قىزمەتىنىڭ توعىز قىزمەتكەرى جىبەرىلگەن.
ءورت ەلەكتر سىمدارىنىڭ قىسقا تۇيىقتالۋى سالدارىنان شىعۋى مۇمكىن. قازا تاپقاندار اراسىندا 4 ناۋقاس, 3 اۋرۋحانا قىزمەتكەرى, ناۋقاسقا كۇتىم كورسەتەتىن 1 مامان جانە جەكە باسى انىقتالماعان تاعى 1 ادام بار.
مادحيا-پرادەش شتاتىنىڭ باس ءمينيسترى شيۆرادج سينگح چوۋحان قازا تاپقاندار وتباسىنا 6332 اقش دوللارى كولەمىندە وتەماقى تولەنەتىنىن جاريالادى.