ليۆان استاناسى بەيرۋتتە ەكى جىل بۇرىن جارىلىس كەزىندە ب ۇلىنگەن استىق قويماسىنىڭ ءبىر بولىگى وپىرىلىپ قۇلادى, دەپ حابارلايدى Egemen.kz.
Anadolu اگەنتتىگىنىڭ حابارلاۋىنشا, ءورت سالدارىنان ەلەۆاتوردىڭ ءبىر بولىگى وپىرىلىپ تۇسكەن. بيلىك قاۋىپسىزدىك ماقساتىندا جاقىن ماڭداعى كوشەلەردى جاۋىپ تاستادى.
زارداپ شەككەندەر تۋرالى اقپارات تۇسكەن جوق.
ەسكە سالساق, ليۆاننىڭ قورشاعان ورتانى قورعاۋ ءمينيسترى ناسير ياسين شىلدەنىڭ 29-ى كۇنى ءدال وسى استىق قويماسىنىڭ كەز كەلگەن ساتتە قۇلاپ كەتۋى مۇمكىن ەكەنىن ەسكەرتكەن.