قازاقستاندىق كونديتەر ونەركاسىبى كوشباسشىلارىنىڭ ءبىرى سانالاتىن «بايان سۇلۋ» فابريكاسى ءوز قىزمەتكەرلەرىنىڭ ەڭبەكاقىسىن 1 تامىزدان باستاپ 15-20 پايىزعا كوتەرەدى, دەپ حابارلايدى Egemen.kz.
كاسىپورىن باسشىسىنىڭ مالىمدەۋىنشە, فابريكادا ەڭبەك ەتەتىن بارلىق قىزمەتكەردىڭ ەڭبەكاقىسى وسەدى.
«الەمدەگى كۇردەلى ەكونوميكالىق جاعدايعابايلانىستى ماماندارىمىزدى قولداۋ جانە جۇمىس پەن ءومىر ساپاسىن كوتەرۋ ءۇشىن ەڭبەك جاعدايىن جاقسارتۋ ءبىز ءۇشىن وتە ماڭىزدى. ءبىزدىڭ ماقساتىمىز – قىزمەتكەرلەرىمىزدىڭ ەرتەڭگى كۇنگە دەگەن سەنىمىن ارتتىرۋعا ۇلەس قوسۋ», دەيدى «بايان سۇلۋ» اق پرەزيدەنتى - باسقارما توراعاسى تيمۋر سادىقوۆ.
ايتا كەتۋ كەتەيىك, «بايان سۇلۋ» اق وسى جىلدىڭ ءساۋىر ايىندا قىزمەتكەرلەردىڭ ەڭبەكاقىسىن 10 پايىزعا كوتەرگەن بولاتىن. ال سوڭعى ءۇش جىلدىڭ ىشىندە كومپانيا قىزمەتكەرلەردىڭ ەڭبەكاقىسىن ورتا ەسەپپەن 40 پايىزعا وسىرگەن.
سونىمەن قاتار, 2021 جىلى فابريكا قىزمەتكەرلەردى قولداۋ ماقساتىندا ازىرلەنگەن الەۋمەتتىك باعدارلامالاردى جۇزەگە اسىرۋعا 240 ميلليون تەڭگەدەن اسا قارجى جۇمساعان.
«بايان سۇلۋ» – قازاقستانداعى ەڭ ءىرى كونديتەرلىك فابريكالاردىڭ ءبىرى. كاسىپورىندا 300-دەن اسا ءونىم وندىرىلەدى. قازىر فابريكادا 1500-دەن اسا ادام ەڭبەك ەتەدى.