قوستاناي وبلىسىندا 96 ملن تەڭگە كولەمىندە زاڭسىز سۋبسيديا العان «اگروپروم تrade 2030» جشس ديرەكتورى بەس جىلعا باس بوستاندىعىنان ايىرىلدى, دەپ حابارلايدى Egemen.kz.
2021 جىلعى اقپاندا «اگروپروم تrade 2030» جشس ديرەكتورى قوستاناي وبلىسىنىڭ اۋىل شارۋاشىلىعى تاۋارىن وندىرۋشىلەرى جانە لاۋازىمدى تۇلعالارىمەن سۋبسيديالاناتىن كارتوپ تۇقىمدارىن ساتىپ الۋ - ساتۋ شارتتارىن جاساسقان. كەيىن كورسەتىلگەن شارتتار نەگىزىندە قوستاناي وبلىسى اكىمدىگىنىڭ اۋىل شارۋاشىلىعى باسقارماسىنا «اگروپروم تrade 2030» جشس-نە كارتوپ تۇقىمىن ساتىپ الۋ كەزىندەگى شىعىنداردى وتەۋگە تيەسىلى سۋبسيديالاردى تولەۋ تۋرالى وتىنىمدەر بەرىلگەن.
«جۇرگىزىلگەن شارالار بارىسىندا ءىس جۇزىندە «اگروپروم تrade 2030» جشس-نەن كارتوپ تۇقىمىن ەشقاشان ساتىپ الماعانى جانە وسىرۋمەن اينالىسپاعانى انىقتالدى, سونىمەن قاتار كەيبىر جشس جۇمىس ىستەمەيتىن شارۋاشىلىقتار بولىپ شىقتى, ال شارۋا قوجالىقتارى تەك بيداي جيناۋمەن اينالىسقان», دەپ كورسەتتى قارجىلىق مونيتورينگ اگەنتتىگى.
ۆەدومستۆو مالىمەتىنشە ءوز ەتسق ۇسىنىپ, ساتىپ الۋ-ساتۋ شارتتارىن بەكىتكەنى ءۇشىن ايىپتالۋشىلار اۋىل شارۋاشىلىعى تاۋار وندىرۋشىلەرىنە سىياقى بەرۋگە ۋادە بەرگەن, بىراق سۋبسيديالاردى العاننان كەيىن 1,5 ملن.تەڭگە سىياقىنى تەك ءبىر شارۋا قوجالىعىنىڭ باسشىسىنا بەرگەن.
جوعارىدا كورسەتىلگەن فاكتىلەر بويىنشا, 2021 جىلعى ماۋسىم – شىلدە كەزەڭىندە مەملەكەتكە 96 ملن.تەڭگە مولشەرىندە زالال كەلتىرىلۋىنە قاتىستى 5 قىلمىستىق ءىس قوزعالدى.
سوت «اگروپروم تrade 2030» جشس ديرەكتورىن قىلمىستىق قۇقىق بۇزۋشىلىقتار جاسادى دەپ تانىدى. ول كوممەرتسيالىق جانە مەملەكەتتىك ۇيىمداردا ماتەريالدىق-جاۋاپتى جانە باسشى لاۋازىمداردى اتقارۋعا بايلانىستى قىزمەتپەن اينالىسۋ قۇقىعىنان ايىرىلىپ, 5 جىلعا سوتتالدى.