اقتوبەدە جول-كولىك اپاتى بولىپ, 6 ادام كوز جۇمدى, دەپ حابارلايدى Egemen.kz.
وقيعا 30-شىلدە كۇنى ساعات 23.30-دا سامارا-شىمكەنت تاسجولىندا ورىن العان.
«بۇل - ىرعىز اۋدانى قالىباي اۋىلىنىڭ ماڭى. «حوندا-فيت» ماركالى اۆتوكولىگىنىڭ 32 جاستاعى جۇرگىزۋشىسى جولدا قارسى بەتكە شىققان. رۋلدە قىرعىزستان رەسپۋبليكاسىنىڭ ازاماتى بولدى. سالدارىنان ىرعىز اۋدانىنىڭ 33 جاستاعى تۇرعىنى باسقارىپ كەلە جاتقان «لادا-لارگۋس» ماركالى اۆتوكولىگىمەن سوقتىعىسقان. جول-كولىك وقيعاسى سالدارىنان «لادا-لارگۋس» ماركالى اۆتوكولىگىنىڭ جۇرگىزۋشىسى مەن 4 جولاۋشى وقيعا ورنىندا كوز جۇمدى. سونىمەن قاتار, «حوندا-فيت» اۆتوكولىگىنىڭ جولاۋشىسى مەرت بولدى. سونداي-اق «حوندا-فيت» اۆتوكولىگىنىڭ جۇرگىزۋشىسى 30 جاستاعى جولاۋشىمەن بىرگە ءتۇرلى جاراقاتپەن ىرعىز اۋداندىق اۋرۋحاناسىنا جاتقىزىلدى», دەدى وبلىستىق پد ءباسپاسوز قىزمەتىنىڭ جەتەكشىسى ەربولات سارقۇلوۆ.
قازىرگى كەزدە قك 345-بابى 4-بولىگى بويىنشا سوتقا دەيىنگى تەرگەۋ باستالدى. اقتوبە وبلىسى پوليتسيا دەپارتامەنتى كولىك جۇرگىزۋشىلەرىن جول قوزعالىسى ەرەجەلەرىن قاتاڭ ساقتاۋعا شاقىرادى.