ورالدا ۇستىنە فۋتبول قاقپاسى قۇلاعان 11 جاستاعى بالا كوز جۇمدى, دەپ حابارلايدى Egemen.kz.
بقو دەنساۋلىق ساقتاۋ باسقارماسىنىڭ ءباسپاسوز حاتشىسى ايناگۇل ساقپوسىنوۆانىڭ ايتۋىنشا, وقيعا كەشە كەشكىسىن س.دات ۇلى كوشەسى, 17 مەكەنجايىندا بولدى.
«بالالار الاڭىندا 2011 جىلعى ۇل بالانىڭ ۇستىنە فۋتبول قاقپاسى قۇلاپ كەتكەن. سالدارىنان اشىق جانە جابىق باس-مي جاراقاتىن العان بالا ساعات 22.10-دا جاقىن ماڭداعى ەمدەۋ مەكەمەسى - قالالىق كوپبەيىندى اۋرۋحاناعا جەتكىزىلدى. دارىگەرلەردىڭ بار كۇش-جىگەرىن جۇمساعانىنا قاراماستان, بالا جارتى ساعاتتان كەيىن قايتىس بولدى», دەپ حابارلادى ۆەدومستۆودان.