بيىل جىل باستالعالى قورعا 204 ملرد تەڭگە تۇسكەن. ونىڭ ىشىندە 199 ملرد تەڭگەسى الەۋمەتتىك تولەم رەتىندە وتەلدى, دەپ حابارلايدى Egemen.kz.
«الەۋمەتتىك ساقتاندىرۋ قورى قۇرىلعالى (قور 2005 جىلى قۇرىلدى) 4 ترلن تەڭگەگە جۋىق قارجى ءتۇستى. قورعا قارجى جۇمىس بەرۋشىلەردىڭ اي سايىنعى اۋدارىمى ەسەبىنەن ءتۇسىپ وتىر. وسى كۇنگە دەيىن جوعارىدا اتالعان سومانىڭ 2,6 ترلن تەڭگەسى الەۋمەتتىك تولەم رەتىندە جۇمسالدى», دەدى مەملەكەتتىك الەۋمەتتىك ساقتاندىرۋ قورى اق باس ديرەكتورى نۇرسۇلۋ كەمەل ورتالىق كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتىندا.
ونىڭ ايتۋىنشا, وتكەن جىلى ەلىمىزدە 339 ملرد تەڭگە الەۋمەتتىك تولەم وتەلگەن.
«دەگەنمەن بىلتىر بىزگە تۇسكەن قارجى كولەمى 353 ملرد تەڭگەنى قۇرادى. ودان بولەك, بىزدە اكتيۆتەر بار. ول - باعاناعى ايتىلعان 4 ترلن تەڭگەدەن ارتىلعان قارجى. ءبىز اكتيۆتەرگە تيىسپەيمىز, ول - الەۋمەتتىك تولەم الۋشىلارعا بولاشاقتا بەرىلەتىن قورداعى اقشا. الەۋمەتتىك تولەمدى اركىم ءارتۇرلى مەرزىمدە الادى. بىرەۋگە ساناۋلى جىل عانا بەرىلسە, كەلەسى ازامات زەينەتكە شىققانشا الۋى مۇمكىن», دەدى ول.
سونداي-اق جىل باستالعالى قورعا 204 ملرد تەڭگە تۇسكەنى ءمالىم ەتىلدى. ونىڭ ىشىندە 199 ملرد تەڭگەسى الەۋمەتتىك تولەم رەتىندە وتەلدى.
ودان بولەك, قور باسشىسى بۇگىندە مىندەتتى الەۋمەتتىك ساقتاندىرۋ جۇيەسىنە شامامەن 6,6 ملن جۇمىس ىستەيتىن ازامات قاتىساتىنىن جەتكىزدى. سول سياقتى ەلىمىزدە 1,1 ملن استام ادام جىل بويى الەۋمەتتىك تولەم الادى.