پەتروپاۆل قالاسىنىڭ نامىسىن قورعايتىن «قىزىل-جار» كونفەرەنتسيا ليگاسىنىڭ ءۇشىنشى اينالىمىنا جولداما الدى, دەپ حابارلايدى Egemen.kz Vesti.kz-كە سىلتەمە جاساپ.
حورۆاتياداعى قارىمتا ماتچتا 2:0 ەسەبى تىركەلدى. ويىننىڭ 62 مينۋتىندا گيورگي يۆانيدزە ەسەپ اشسا, اراعا ەكى مينۋت سالىپ مۋسسا كونە تابلوداعى ەسەپتى ەسەلەدى.
«استانا ارەناداعى» ءبىرىنشى كەزدەسۋدە حورۆاتيالىقتار 2:1 ناتيجەسىمەن جەڭىسكە جەتكەن ەدى. قوس ويىننىڭ قورىتىندىسى بويىنشا 3:2 ەسەبى تىركەلىپ, «قىزىل-جار» جارىستىڭ كەلەسى كەزەڭىنە شىقتى. وسىلايشا ءوز تاريحىندا تۇڭعىش رەت ەۋروكۋبوك تۋرنيرىندە باعىن سىناپ جاتقان سولتۇستىك قازاقستاندىقتار جەكە كورسەتكىشتەرىن جاقسارتتى.