اتىراۋ مۇناي وڭدەۋ زاۋىتى جۇمىسىن توقتاتتى

زاۋىتتىڭ قوعاممەن بايلانىس ءبولىمىنىڭ مالىمەتىنشە, «KEGOC» اق ەلەكتر قۋاتىن جوسپاردان تىس توقتاتىپ تاستاعان. سونىڭ سالدارىنان اتىراۋ مۇناي وڭدەۋ زاۋىتىنىڭ جۇمىسىن اۆاريالىق جاعدايدا توقتاتۋعا ءماجبۇر بولعان. توتەنشە جاعدايدىڭ ال­دىن الۋ ءۇشىن سىرتقى ەلەكتر­مەن جابدىقتاۋ جۇيەسى تولىق تۇراق­تان­عانشا, زاۋىتتىڭ وتىن جەلىسى تەح­نولوگيالىق رەگلامەنتكە ساي­كەس الاۋ جۇيەسىنە باعىتتالعان.

اتىراۋ مۇناي وڭدەۋ زاۋى­تى­نىڭ باس ديرەكتورى مۇرات دوسمۇراتوۆتىڭ مالىمەتىنشە, ەلەكتر ەنەرگياسىنىڭ وشۋىنەن باستاپقىدا ەكى قوندىرعىنىڭ جۇمىسى, كەيىن زاۋىتتىڭ ءوندىرىسى تولىق توقتاپ قالعان. مۇنايدى باستاپقى كەزەڭدە ايدايتىن تەك ەكى قوندىرعىنىڭ جۇمىسىن ساق­تاپ قالۋعا مۇمكىندىك تۋ­عان. قوندىرعىلاردى ىستەن شىعارۋ كەزىندە بارلىق گاز الاۋ شا­رۋا­شىلىعىنا جىبەرىلگەن. بۇل – قون­دىرعىلاردا دەپرەسسيا بولماۋى ءۇشىن اۆتوماتتى تۇردە جاسالاتىن ۇدەرىس. زاۋىت قوندىرعىلارىنا كەلگەن زيان تۋرالى ايتۋعا ءالى ەرتەرەك. ويتكەنى بۇل قوندىرعىلاردى ىسكە قوسۋ كەزىندە انىقتالادى.

– قازىر ءبىزدىڭ زاۋىتتىڭ قورىندا 26 مىڭ توننا بەنزين, 22 مىڭ توننا ديزەل وتىنى, 4 مىڭ توننا كەروسين بار. بەن­زين مەن ديزەل وتىنى تۇتى­نۋ­شىلارعا 5-6 كۇندە, كەروسين ءبىر اپتادا جونەلتىلەدى. ال زاۋىتتىڭ قوندىرعىلارىن سىناق­تان وتكىزۋدى, ىسكە قوسۋدى باس­تاۋ ءۇشىن ەلەكتر قۋاتىن بەرۋدى قالپىنا كەلتىرۋ قاجەت. بۇل – قىسقا مەرزىم ىشىندە ەكىنشى رەت قايتالانعان اپاتتىق ءوشىرۋ. ءبىز وتكەن جۇمادا ەلەكتر ەنەرگياسىنا بايلانىستى ەكى قوندىرعىنىڭ جۇمىسىن توقتاتقان ەدىك. سول قوندىرعىلاردى ىسكە قوسۋعا ءبىر جارىم كۇن كەتتى. قازىرگى احۋال مۇلدەم باسقاشا بولىپ وتىر. ەندى قوندىرعىلاردى مۇناي ونىمدەرىنەن, كاتاليزاتوردان تازارتۋ قاجەت. سوندىقتان بارلىق قوندىرعىنىڭ جۇمىسىن قالپىنا كەلتىرۋگە قانشا كۇن كەتەتىنىن بولجاۋ مۇمكىن ەمەس, – دەيدى م.دوس­مۇراتوۆ.

ەنەرگەتيكا مينيسترلىگىنىڭ مالى­مە­تىنشە, اتىراۋ وبلىسىن­داعى اۋا رايىنىڭ قولايسىز­دى­عىنان «قۇرمانعازى» مۇناي ايداۋ ستانساسىنا ەنەرگيا جەتكىزەتىن باعاناداعى 220 كۆ-تىق ەكى ەلەكتر جەلىسى ءبىر مەزگىلدە ءوشىپ قالعان. ەلەكتر جەلىسى «كتك» اق-نىڭ تەڭگەرىمىنە الىنعان. ەلەكتر بەرۋ جەلىلەرىنىڭ باعانالارى قۇلاعان. وسىعان بايلانىستى «كتك» اق-نىڭ قازاقستانداعى جەلىسىن ەنەرگيامەن قامتۋ 16 مۆت-عا دەيىن شەكتەلىپ وتىر. ال اتىراۋ مۇناي وڭدەۋ زاۋىتىندا قورەكتەندىرۋشى جەلىلەردىڭ ىسكە قوسۋ تەتىكتەرى, «Karabatan Utility Solution» ەلەكتر ستانساسىنىڭ ەنەرگيا جۇيەسىمەن بايلانىس جەلىلەرى وشكەن. وسىنىڭ سالدارىنان ەلەكتر ستانساسى گەنەراتسيا­نى نولگە دەيىن تومەندەتتى.

«كتك» اق-نىڭ مالىمەتىنە قاراعاندا, قازاقستان اۋما­عىن­داعى «قۇرمانعازى» جانە «يساتاي» مۇناي ايداۋ ستانسالارى رەزەرۆتىك كوزدەن ەلەكتر ەنەر­گياسىن الىپ وتىر. بىراق اتالعان نىسانداردا توتەنشە جاع­داي قاۋپى تۋىنداماعان. تەك سور­عى قوندىرعىلارىن ىسكە قوسۋ تەحنو­لو­گيالىق سەبەپپەن مۇمكىن بولماي تۇر.

وبلىستىق ەكولوگيا دەپار­تامەنتىنىڭ ءباسپاسوز قىزمەتىنەن ءمالىم ەتكەندەي, اتىراۋ مۇناي وڭدەۋ زاۋىتىنىڭ ساني­تارلىق قورعاۋ ايماعىنىڭ شەكاراسىندا اتموسفەرالىق اۋادان سىناما الۋ باستالدى. ەكولوگتەردىڭ جەدەل ارەكەت ەتۋىنە زاۋىتتاعى الاۋ قوندىرعىسىندا قارا ءتۇتىننىڭ بۋداقتاعانى سەبەپ بولىپ وتىر.

«جەدەل ارەكەت ەتۋ ماقساتىندا دەپارتامەنتتىڭ زەرتحانالىق-تالدامالىق باقىلاۋ ءبولىمىنىڭ ما­ماندارى اتىراۋ مۇناي وڭ­دەۋ زاۋىتىنىڭ سانيتارلىق-قور­عاۋ ايماعىنىڭ شەكاراسىندا اتموسفەرالىق اۋانىڭ سىناما­لارىن الدى. سىنامالاردى تالداۋ قورىتىندىسى قوسىمشا حابار­لانادى», دەپ ءمالىم ەتتى دەپار­تا­مەنتتىڭ ءباسپاسوز قىزمەتىنەن.

اتىراۋ وبلىسى