«قازگيدرومەت» رمك تامىز ايىندا ەلدىڭ سولتۇستىك-باتىسىندا, وڭتۇستىگىندە, وڭتۇستىك-باتىسىندا جانە ورتالىعىندا ىلعال تاپشىلىعى بولاتىنىن مالىمدەدى, دەپ حابارلايدى Egemen.kz.
اتاپ ايتقاندا, قىزىلوردا وبلىسىنىڭ قارماقشى اۋدانىندا, ماڭعىستاۋ وبلىسىنىڭ قاراقيا جانە ماڭعىستاۋ اۋداندارىندا قۇرعاقشىلىق بولادى دەپ بولجانۋدا. سونداي-اق اقتوبە وبلىسىنىڭ ايتەكە بي جانە مۇعالجار اۋداندارىندا, قاراعاندى وبلىسىنىڭ نۇرا اۋدانىندا, قوستاناي وبلىسىنىڭ امانگەلدى جانە جانگەلدى اۋداندارىندا جاۋىن-شاشىن جاۋماي, قۇرعاقشىلىق بولۋى مۇمكىن.
ال اقتوبە وبلىسىنىڭ سولتۇستىك جانە باتىس بولىگىندە, اتىراۋ وبلىسىنىڭ قىزىلقوعا اۋدانىندا, باتىس قازاقستان وبلىسىنىڭ سىرىم, كازتالوۆ جانە اقجايىق اۋداندارىندا كەرىسىنشە, ىلعال مولىراق بولادى.
سونداي-اق الماتى وبلىسىنىڭ پانفيلوۆ جانە كەربۇلاق اۋداندارىندا دا ىلعالدى بولماق.