قارجىلاي كومەك كىمگە, قالاي بەرىلەدى؟

ەندى قاعيدالاردىڭ جاڭا رەداكتسياسىنا سايكەس, سۋبسيديالاۋ ۇلتتىق بانكتىڭ بازالىق مولشەرلەمەسى مەن جىلدىق 7,5 پا­يىز تەڭگەمەن جيىنتىق كورىنىسى رەتىندە ەسەپتەلگەن نومينالدى سىياقى مولشەرلەمەسىنەن اسپايتىن مولشەرلەمەدە جۇزەگە اسىرىلادى.

بۇعان دەيىن سىياقى مولشەرلەمەلەرىن سۋبسيديالاۋ تەتىگى اۋىل شارۋاشىلىعى تەحنيكاسىن, جابدىقتار مەن اۋىل شارۋا­شى­لىعى جان­ۋارلارىن ساتىپ الۋعا, نەگىزگى قۇرالداردى ساتىپ الۋعا, قۇرىلىسقا ارنالعان قارىزدار بويىنشا سىياقى مولشەرلەمەسىن 10 پايىزعا, اينالىم قاراجاتىن تولىقتىرۋ بو­يىنشا 7 پايىزعا, كوكتەمگى ەگىس جانە ەگىن جي­ناۋ جۇمىستارىن جۇرگىزۋگە 9 پايىزعا تومەن­دەتۋدى كوزدەدى.

ەگەر قارىز شارتىن جاساسۋ كەزىندە بازالىق مولشەرلەمە جىلدىق 14 پايىزدى قۇراسا, بۇل جاعدايدا سۋبسيديالاۋعا جاتاتىن نومينالدى سىياقى مولشەرلەمەسى 21,5 پايىزدان اسپاۋعا ءتيىس.

قارىز الۋشى نومينالدى سىياقى مولشەرلەمەسىنىڭ 6 پايىزىن تولەيدى, ۇلتتىق بانكتىڭ بازالىق مولشەرلەمەسى مەن 7,5 پا­يىز جىلدىق پايىزدىق جيىنتىق سوماسى مەن قارىز الۋشىنىڭ تەڭگەمەن تولەگەن 6 پايىزى اراسىنداعى ايىرمانىڭ ناتيجەسىندە الىنعان نومينالدى سىياقى مولشەرلەمەسىنىڭ قالعان بولىگى مەملەكەتتىك بيۋدجەتتەن سۋبسيديالانادى (سىياقىنىڭ نومينالدى مولشەرلەمەسى 21,5 پايىز بولعان كەزدە اوك سۋبەكتىسى 6 پايىز تولەيدى, مەملەكەت 15,5 پايىز سۋبسيديالايدى).

سۋبسيديالاۋعا مىناداي باعىتتار جاتادى: اۋىل شارۋاشىلىعى تەحنيكاسىن, ونىڭ ىشىندە اسپالى جانە تىركەمەلى جابدىق­تاردى ساتىپ الۋعا, سونداي-اق اۋىل شارۋا­شىلىعى جانۋارلارىن ساتىپ الۋعا, نەگىزگى قۇرالداردى ساتىپ الۋعا, قۇرىلىس سالۋعا (ۇن, مينەرالدىق سۋلار جانە الكوگولسىز سۋسىندار وندىرۋگە ارنالعان نەگىزگى قۇرالداردى ساتىپ الۋعا ارنالعان قارىزداردى قوسپاعاندا) ارنالعان. سونداي-اق وندىرىستىك پروتسەستىڭ تەحنولوگيالىق تسيكلى ءۇشىن قاجەتتى اينالىم قاراجاتىن تولىقتىرۋ مەن كوكتەمگى ەگىس جانە ەگىن جيناۋ جۇمىستارىن جۇرگىزۋگە ارنالىپ تا سۋبسيديا ۇسىنىلادى.

«وسىلايشا, وسى باعدارلاما شەڭبەرىندە قولداۋ شارتتارى قارجى نارىعىنداعى وزگە­رىستەرگە جەدەل دەن قويۋ ماقساتىندا ۇلتتىق بانكتىڭ بازالىق مولشەرلەمەسىن ەسكەرە وتىرىپ قايتا قارالدى جانە بۇل سۋبسيديالاۋ قا­عيدالارىنا ءجيى وزگەرىستەر ەنگىزۋ قاجەتتىلىگىن جويادى. جوعارىدا اتالعان جاڭالىقتار اعىم­داعى جىلدىڭ 25 شىلدەسىنەن باستاپ كۇشىنە ەنەدى», دەلىنگەن ۆەدومستۆو حابارلاماسىندا.