14 تامىزدا نۇر-سۇلتاندا اراعا ەكى جىل سالىپ ترياتلوننان BI GROUP IRONMAN KAZAKHSTAN جانە BI GROUP IRONMAN 70.3 ASTANA ءىرى حالىقارالىق ءتۋرنيرى وتەدى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
ءاربىر جارىس ءۇزىلىسسىز وتكىزىلەتىن ءۇش كەزەڭنەن تۇرادى: ءجۇزۋ - 3,86 كم, ۆەلوسيپەدپەن كىرۋ - 180,25 كم جانە مارافوندىق جۇگىرۋ - 42,195 كم. Ironman 70.3 سەريالىق سايىس ەكى ەسە قىسقارتىلعان قاشىقتىقتا كەلەسى سايىستاردى قاراستىرادى: ءجۇزۋ - 1,9 كم, ۆەلوسيپەد جارىسى – 90 كم جانە جۇگىرۋ - 21,1 كم.
ستارتقا الەمنىڭ 77 ەلىنەن 2 200 ترياتلەت قاتىسادى, بۇل اتلەتتەردىڭ قازاقستانعا دەگەن جوعارى ىقىلاسىن بىلدىرەدى. بۇل ەكى جىلدىق ۇزىلىستەن كەيىن ەلدەگى العاشقى جارىس بولعالى تۇر. ۇيىمداستىرۋشىلار ۇلىبريتانيا, ءۇندىستان, گەرمانيا جانە رەسەي ەلدەرىنەن ترياتلەتتەر قاتىسادى دەپ كۇتىپ وتىر.
«مۇنداي شارانى وتكىزۋ اۋەسقوي سپورتتى عانا ەمەس, ءتۋريزمدى دە دامىتۋعا ىقپال ەتەدى. مىسالى, ءۇندىستاننان كەلگەن ترياتلەتتەر توبى 200 ادام بولىپ ۇشادى, بۇل ءبىر بورتتى قۇرايدى. سپورتشىلار قازاقستاننىڭ وڭتۇستىگىن ارالاپ, ەلمەن تانىسۋعا نيەتتەنىپ وتىر. مەنىڭ ويىمشا, بۇل قالا مەن ەل بيۋدجەتىنە ايتارلىقتاي ۇلەس قوسادى, ويتكەنى ول مەملەكەت قاراجاتىن تارتپاي جۇزەگە اسىرىلادى», دەيدى سايىس ديرەكتورى الەكسەي سيدورەنكو.
ەستەرىڭىزگە سالا كەتەيىك, IRONMAN ستارتى جىل بويى جەر شارىنىڭ ءتۇرلى ورىندارىندا وتەدى. ولاردىڭ ارقايسىسىندا ماۋسىمنىڭ باستى ستارتى – IRONMAN الەم چەمپيوناتىنا قاتىسۋعا قۇقىق بەرەتىن بەلگىلى ءبىر ورىندار (سلوتتار) ويناتىلادى. BI Group IRONMAN Kazakhstan گاۆاي, كالۋا-كونادا IRONMAN World Championship 2021-دە 45 سلوت ويناتىلادى.
«باسقا ەلدەردەگى جارىستاردىڭ جويىلۋىنا بايلانىستى ءبىز جارىستا 45 سلوت ويناۋعا مۇمكىندىك الدىق», دەيدى الەكسەي سيدورەنكو.
ءىس-شارا BI-Group حولدينگىنىڭ, نۇر-سۇلتان قالاسى اكىمدىگىنىڭ جانە قازاقستان ترياتلون فەدەراتسياسىنىڭ قولداۋىمەن وتەدى.