وتاندىق كارتوپ ەكسپورتقا شىعۋى مۇمكىن

«كارتوپتىڭ ىشكى نارىقتاعى ايلىق قاجەتتىلىگى - 152,7 مىڭ توننا. اكىمدىكتەردىڭ اقپاراتى بويىنشا, بۇگىنگى تاڭدا كارتوپ قورى 124,9 مىڭ توننا بولادى. ماۋسىم ايىنان باستاپ ەرتە پىسەتىن كارتوپ جينالىپ جاتىر. ونىڭ جالپى كولەمى 270,9 مىڭ تونناعا جەتتى. تامىزدىڭ ءبىرىنشى جارتىسىندا 7,8 مىڭ توننا كارتوپ جيناۋ جوسپارلانعان. بۇل ىشكى نارىقتى تولتىرۋعا جانە كارتوپ باعاسىنىڭ تۇراقتانۋىنا ىقپال ەتتى. وسى ايدىڭ باسىنان بەرى كارتوپتىڭ باعاسى 5%-عا تومەندەدى. قىركۇيەكتەن باستاپ كۇزگى كارتوپتى جيناۋ باستالادى, ونىڭ كولەمى 4 ملن توننادان اسادى دەپ كۇتىلۋدە. بۇل ىشكى نارىقتىڭ قاجەتتىلىگىن تولىق قامتاماسىز ەتەدى. بەلگىلى ءبىر كولەمدى ەكسپورتقا جونەلتۋگە مۇمكىندىك بەرەدى», دەدى مينيستر ورتالىق كوممۋنيكاتسيالار قىزمەتىندە وتكەن بريفينگىدە.

ۆەدومستۆو باسشىسىنىڭ ايتۋىنشا, قىرىققابات پەن ءسابىز نارىعىندا جاعداي تۇراقتى.

«ەرتە پىسەتىن قىرىققابات پەن ءسابىز كولەمى كۇزگى ەگىن جيناعانعا دەيىن ىشكى نارىقتى قامتاماسىز ەتۋگە جەتكىلىكتى. تامىزدىڭ سوڭعى ونكۇندىگىنەن باستاپ كوكونىس ونىمدەرىنىڭ كۇزگى ءونىمى نارىققا شىعادى دەپ كۇتىلۋدە», دەدى ۆەدومستۆو باسشىسى.