اقتوبە پوليتسياسى مەن ۇلتتىق قاۋىپسىزدىك كوميتەتىنىڭ وبلىستىق دەپارتامەنتى كاسىپكەرلەردەن اقشا تالاپ ەتكەن قىلمىستىق توپ مۇشەلەرىن قۇرىقتادى, دەپ حابارلايدى Egemen.kz.
«قىلمىستىق توپ قۇرامىندا دەسترۋكتيۆتى بەلگىلەرى بار التى ادام بولعان. ولار ءدىننىڭ اتىن جامىلىپ, بىرنەشە رەت ءتۇرلى سەبەپتەرمەن ەكى جاس جىگىتتەن اقشالاي قاراجات بوپسالاعان. جەدەل ءىس-شارالاردى وتكىزۋ بارىسىندا اتالعان ادامدار ۇستالىپ, ۋاقىتشا ۇستاۋ يزولياتورىنا قاماۋعا الىندى», دەلىنگەن پوليتسيا حابارلاماسىندا.اتالعان فاكتىلەر بويىنشا قر قك-ءنىڭ 194-بابى 2-بولىگى (قورقىتىپ الۋ) بويىنشا سوتقا دەيىنگى تەرگەۋ باستالدى جانە تەرگەۋ جۇرگىزىلىپ, ۇستالعانداردىڭ باسقا دا ۇقساس قىلمىستار جاساۋعا قاتىستىلىعى تەكسەرىلۋدە.
وسى باپتىڭ سانكتسياسى مۇلكى تاركىلەنىپ, ءۇش جىلدان جەتى جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازانى كوزدەيدى.