ەلوردالىق تۇرعىن ەسىرتكىنى جاڭعاققا تىعىپ, وسكەمەندەگى تۇرمەگە كىرگىزبەك بولعان, دەپ حابارلايدى Egemen.kz شقو بويىنشا قىلمىستىق-اتقارۋ جۇيەسى دەپارتامەنتى ءباسپاسوز قىزمەتىنە سىلتەمە جاساپ.
پوشتا ارقىلى كەلگەن سالەمدەمەنى تەكسەرۋ كەزىندە گرەك جاڭعاعى قابىعىنىڭ ىشىنەن ەرەكشە ءيىسى بار وسىمدىك تەكتەس زات تابىلعان. سونداي-اق قاعاز ورامالدىڭ ىشىنە تىعىلعان تەلەفون جانە ءتىس پاستاسى قورابىنان ۇيالى تەلەفونعا ارنالعان قۇلاققاپ تابىلعان. تارىلەنگەن زاتتار ساراپتاماعا جىبەرىلدى.
«بارلىق كەلىپ تۇسكەن سالەمدەمەلەردى تۇزەتۋ مەكەمەسىنىڭ قىزمەتكەرلەرى جان-جاقتى تەكسەرۋدەن وتكىزەدى. سوتتالعاندارعا الۋعا تىيىم سالىنعان زاتتار تاركىلەنەدى. ەسكەرتۋلەر مەن ءتۇسىندىرۋ جۇمىستارىنا قاراماستان كەيبىرەۋلەر تۇرمە قىزمەتكەرلەرى بايقاماي قالادى دەپ ۇمىتتەنىپ, زاڭسىز زاتتى سالىپ جىبەرەدى», دەدى وۆ 156/20 مەكەمەسى باستىعىنىڭ ورىنباسارى ەرمەك ايتمۇقاشەۆ.