قازاقستاندىق كلۋبتاردىڭ ەۋروكۋبوك ويىندارىنداعى تورەشىلەر بەلگىلەندى

اتالعان تۋرنيردەگى بارلىق ويىن 21 شىلدەگە بەلگىلەنگەن. تىكەلەي كورسەتىلىم Qazaqstan جانە Qazsport تەلەارنالارىنان جۇرگىزىلەدى. 17:50. Qazsport تەلەارناسى.

«قىزىلجار» (قازاقستان) - «وسيەك» (حورۆاتيا) اتالعان كەزدەسۋگە لاتۆيالىق الەكساندر انۋفريەۆ باس تورەشى قىزمەتىن اتقارادى. وعان وتانداستارى ەۆگەني موروزوۆ پەن رومان پلاتونوۆ كومەكشىلىك جاسايدى. قوسالقى تورەشى دە لاتۆيالىق ەدگار مالتسەۆ. 19:50. Qazaqstan تەلارناسى. «قايرات» (قازاقستان) - «كيشۆاردا» (ۆەنگريا) باس تورەشى دانيالىق پەتەر كەرسگور-اندەرسەن.

ويىن بارىسىندا وعان وتانداستارى يەسپەر دال (دانيا) مەن دەننيس راسمۋسسەن كومەكشىلىك جاسايدى. قوسالقى تورەشى دە سول ەلدىڭ وكىلى - ميككەل رەددەر. 21:50. Qazsport تەلەارناسى. «توبىل» (قازاقستان) - «لينكولن رەد يمپس» (گيبرالتار) بۇل ويىندا مالتادان كەلگەن مەتتيۋ دە گابريەلە باس تورەشى قىزمەتىن اتقارادى.

الاڭ جيەگىندە وتانداستارى يۋرگەن سپيتەري پەن ميتچەلل شەرري ءوز مىندەتتەرىن اتقارادى. قوسالقى تورەشى دە مالتالىق اندرەا سكيريحا. 00:50. Qazsport تەلەارناسى. «استانا» (قازاقستان) - «راكۋۆ» (پولشا) كەزدەسۋگە باس تورەشى رەتىندە گرۋزيالىق گوگا كيكاچەيشۆيلي بەكىتىلگەن.

وعان وتانداستارى داۆيت گابيسونيا پەن داۆيد چيگوگيدزە كومەكشىلىك ەتسە, قوسالقى تورەشىلىككە سول ەلدىڭ وكىلى يراكلي حەرحادزە شاقىرىلعان.