پرەزيدەنت قاسىم-جومارت توقاەۆ ورتالىق ازيا مەملەكەتتەرى باسشىلارىنىڭ 21 شىلدەدە وتەتىن IV كونسۋلتاتيۆتىك كەزدەسۋىنە قاتىسۋ ءۇشىن قىرعىزستاننىڭ شولپان-اتا قالاسىنا باردى, دەپ حابارلايدى Egemen.kz اقوردانىڭ رەسمي سايتىنا سىلتەمە جاساپ.
مەملەكەت باسشىسىن اۋەجايدان قىرعىز رەسپۋبليكاسى مينيسترلەر كابينەتىنىڭ توراعاسى – پرەزيدەنت اكىمشىلىگىنىڭ باسشىسى اقىلبەك جاپاروۆ, قىرعىز رەسپۋبليكاسى ترانسپورت ءمينيسترى ەركينبەك وسوەۆ, قىرعىز رەسپۋبليكاسى سىرتقى ىستەر ءمينيسترىنىڭ ءبىرىنشى ورىنباسارى نۋران نيازاليەۆ قارسى الدى.
جيىندا قازاقستان, قىرعىزستان, تاجىكستان, تۇرىكمەنستان, وزبەكستان كوشباسشىلارى الەمدەگى قازىرگى گەوساياسي جانە ەكونوميكالىق احۋالعا بايلانىستى وڭىرلىك ينتەگراتسيانىڭ پەرسپەكتيۆالارىن قاراستىرماق.
سامميت قورىتىندىسى بويىنشا بىرنەشە قۇجاتقا قول قويىلادى دەپ جوسپارلانعان.