گاز قۇيۋ بەكەتىن توناعان تۇركىستاندىق تۇرعىن ۇستالدى, دەپ حابارلايدى Egemen.kz Polisia.kz سايتىنا سىلتەمە جاساپ.
تۇلكىباس اۋداندىق پوليتسيا بولىمىنە شىمكەنت قالاسىنىڭ تۇرعىنى ارىزداندى. باتىس قىتاي – باتىس ەۋروپا تاسجولىنداعى گاز قۇيۋ بەكەتىندە جۇمىس ىستەيتىن ارىزدانۋشىنى تاڭعى ساعات 04:30 شاماسىندا وزىنە تانىس ەمەس جاس جىگىت توناپ كەتكەن. ياعني, Mercedes-Benz W124 كولىگىنىڭ جۇرگىزۋشىسى گاز قۇيۋعا ارنالعان ەكى قۇرىلعىسىن اشىقتان-اشىق تارتىپ الىپ, وقيعا ورنىنان بوي تاسالاعان.
اتالعان جايت قر قك-ءنىڭ 191-بابى (توناۋ) بويىنشا تىركەۋگە الىندى. حابارلاما الىسىمەن ورىن العان قىلمىستى اشىپ, كۇدىكتىنى انىقتاۋ ماقساتىندا جەدەل-تەرگەۋ توبى وقيعا ورنىنا شىقتى.
ۋچاسكەلىك پوليتسيا ينسپەكتورلارى ىزدەستىرۋگە اتسالىستى. پوليتسەيلەر وقيعا ورنىن تىڭعىلىقتى تەكسەرىپ, كۋالاردان سۇراستىرىپ, جاقىن ارالىقتاعى اۋماقتاردى كورىپ شىقتى. جان-جاقتى, جۇيەلى جۇرگىزىلگەن شارالار ناتيجەسىندە, تاۋلىك ىشىندە كۇدىكتىنىڭ جەكە باسى انىقتالىپ, ول تۇرعىلىقتى مەكەنجايىنان ۇستالدى.
پوليتسياعا جەتكىزىلگەن تۇركىستان قالاسىنىڭ تۇرعىنى ءوز كىناسىن مويىندادى.