اۋىل اكىمى لاۋازىمىنا ساياسي پارتيالاردىڭ وكىلدەرى مەن ءوزىن-ءوزى ۇسىنعاندار ءۇمىتتى, دەپ حابارلايدى Egemen.kz @Pavlodarnews.kz سايتىنا سىلتەمە جاساپ.
ماي اۋدانىندا كوكتۇبەك جانە قاراتەرەك اۋىلدىق وكرۋگتەرىنىڭ اكىمدەرىن تاڭدايدى. ءبىرىنشى اۋىلدىڭ اكىمى دەنساۋلىعىنا بايلانىستى وتستاۆكاعا كەتۋ تۋرالى ءوتىنىش بەرگەن. مۇندا ءۇش ۇمىتكەر تىركەلدى. ال اۋىل اكىمشىلىگىنىڭ باسشىسى ءوز ەركىمەن كەتۋ تۋرالى ءوتىنىش جازعان قاراتەرەك اۋىلدىق وكرۋگىندە ەكى ۇمىتكەر ءوتىنىش بەرگەن. بەس ۇمىتكەردىڭ بارلىعى – ەر ادامدار.
اۋداندىق سايلاۋ كوميسسياسىنىڭ ءتورايىمى سۆەتلانا كىشكەنالينانىڭ ايتۋىنشا, ەڭ ۇلكەن ۇمىتكەر 53 جاستا, ەڭ جاسى – 28-دە.
«ۇمىتكەرلەر ءوز قىزمەتىنىڭ باعىتتارى بويىنشا قارجىلىق قىزمەتپەن, الەۋمەتتىك جۇمىسپەن اينالىسادى. وقىتۋشىلار مەن ينجەنەر-قۇرىلىسشى دا بار», دەدى كوميسسيا ءتورايىمى.
ولاردىڭ اراسىندا ۇشەۋى - مەملەكەتتىك قىزمەتكەر, جۇمىسسىز ازامات جانە كوممەرتسيالىق قۇرىلىمنىڭ ءبىر وكىلى بار. سايلاۋعا ەكى اۋىلدىق وكرۋگتە 3258 سايلاۋشى قاتىسۋدا.اققۋلى اۋدانىنداعى قاراقالا اۋىلدىق وكرۋگى اكىمىنىڭ وكىلەتتىگى مەرزىمىنەن بۇرىن توقتاتىلادى. ونىڭ لاۋازىمىنا ءتورت ۇمىتكەر باق سىناۋدا. ۇمىتكەرلەردىڭ جاس شاماسى 60 پەن 30 جاس اراسىندا.