قر ەنەرگەتيكا ءمينيسترى بولات اقشولاقوۆ اقش-تىڭ قازاقستانداعى ۋاقىتشا سەنىمدى وكىلىمەن جانە اقش مەملەكەتتىك دەپارتامەنتىنىڭ «قاۋىپ-قاتەردى بىرلەسىپ ازايتۋ» باعدارلاماسىنىڭ يادرولىق قارۋدى تاراتپاۋ جونىندەگى حالىقارالىق قاۋىپسىزدىك بيۋروسىنىڭ وكىلدەرىمەن كەزدەستى, دەپ حابارلايدى Egemen.kz قر ەنەرگەتيكا مينيسترلىگىنىڭ ءباسپاسوز قىزمەتىنە سىلتەمە جاساپ.
ونىڭ بارىسىندا امەريكا تاراپى FIRST – «شاعىن مودۋلدىك رەاكتورلار تەحنولوگيالارىن جاۋاپتى پايدالانۋعا ارنالعان بازالىق ينفراقۇرىلىم» باعدارلاماسىنا قاتىسۋدى ۇسىندى.
«باعدارلاما يادرولىق قاۋىپسىزدىك پەن تاراتپاۋ جونىندەگى حالىقارالىق ستاندارتتارعا سايكەس اتوم ەنەرگەتيكاسىن دامىتۋدىڭ ۇلتتىق باعدارلاماسىن ازىرلەۋدە الەۋەتتى ارتتىرۋدا اقش-تىڭ سەرىكتەس ەلدەرىنە قولداۋ كورسەتۋگە باعىتتالعان.
باعدارلاما الەمدە ەنگىزىلىپ جاتقان اەس-كە ارنالعان وزىق يادرولىق تەحنولوگيالارمەن جانە جاڭا يننوۆاتسيالارمەن تانىسۋعا مۇمكىندىك بەرەدى», دەلىنگەن مينيسترلىك حابارلاماسىندا.