ءبىرتۇتاس ەكونوميكالىق كەڭىستىك كەلىسىمىنە استانادا قول قويىلادى

استانا. 30 ءساۋىر. ءبىرتۇتاس ەكونوميكالىق كەڭىستىك جونىندەگى كەلىسىمگە 29 مامىردا استانادا قول قويىلادى. بۇل تۋرالى يا SakhaNews حابارلادى. «ءبىرتۇتاس ەكونوميكالىق كەڭىستىك جونىندەگى كەلىسىمگە 29 مامىردا استانادا قول قويىلادى. ونىڭ جوباسى جونىندەگى بارلىق كوزقاراس الشاقتىقتارى رەتتەلدى», - دەدى ەۋرازيالىق ەكونوميكالىق كوميسسيا  القاسىنىڭ توراعاسى ۆيكتور حريستەنكو مينسكىدە وتكەن جوعارى ەۋرازيالىق ەكونوميكالىق كەڭەستىڭ مەملەكەت باسشىلارى دەڭگەيىندەگى وتىرىسى قورىتىندىسىنان كەيىن. «جوبا بويىنشا بارلىق كوزقاراستار الشاقتىقتارى رەتتەلدى, - دەپ حابارلادى حريستەنكو. – ەندى ءالى تالقىلاناتىن ەكىجاقتى كەلىسىم ماسەلەلەرى قالىپ تۇر». بۇل اڭگىمەگە حريستەنكو «جوعارى ەۋرازيالىق ەكوكنوميكالىق كەڭەستىڭ 29 مامىردا استانادا وتەتىن وتىرىسىنا دەيىن قول قويۋعا دايىن بولۋى ءۇشىن» جاقىن ارادا بارلىق بۇگە-شىگەسى بويىنشا جۇمىس جاساۋدى مامىردىڭ سوڭىنا اياقتاۋ كەرەكتىگى تاپسىرىلعانىن قوستى. ۆيكتور حريستەنكونىڭ ايتۋىنا قاراعاندا, مۇناي, مۇناي ونىمدەرى مەن گاز 2025 جىلدان قالماي تابىس تاباتىن بولۋلارى كەرەك. مۇنداي شەشىم جوعارى ەۋرازيالىق ەكونوميكالىق كەڭەسىنىڭ مەملەكەتتەر باسشىلارى دەڭگەيىندەگى وتىرىسىندا قابىلداندى. ال 2014 جىلدىڭ 1 ماۋسىمىنا دەيىن ارمەنيانى ەۋرازيالىق ەكونوميكالىق كەڭىستىككە قابىلداۋ جوباسىن دايىنداۋ تاپسىرىلدى. ساكەن مايلىباي. دەرەككوز: يا SakhaNews. فوتو: يتار-تاسس/ميحايل مەتتسەل.