قازاقستاندىق تۋريستەر اندوررا كنيازدىگىنە 90 كۇنگە ۆيزاسىز بارا الادى, دەپ حابارلايدى Egemen.kz.
«جارامدى جول ءجۇرۋ قۇجاتتارى بار قازاقستان رەسپۋبليكاسىنىڭ ازاماتىنان اندوررا كنيازدىگىنە 90 كۇننەن اسپايتىن ۋاقىتقا ءبىر نەمەسە بىرنەشە رەت بارعاندا, ترانزيتپەن وتكەندە جانە ۋاقىتشا بولعان كەزدە ولاردان ۆيزالىق تالاپتار سۇرالمايدى. اندوررا كنيازدىگىنىڭ اۋماعىندا بولعان كەزىندە ءوزىنىڭ قۇجاتتارىن جوعالتقان قازاقستان رەسپۋبليكاسىنىڭ ازاماتى سول ەلدەگى قازاقستان ەلشىلىگىنە نەمەسە كونسۋلدىق بولىمشەلەرىنە بارىپ, وكىلدىكتەر ۇسىنعان ۋاقىتشا قۇجات ارقىلى اندوررا اۋماعىنان تىس جەرلەرگە شىعا الادى», دەلىنگەن قاۋلىدا.
ۇكىمەت قاۋلىسى اشىق نقا سايتىنا ورنالاستىرىلدى.