تۇركيادا تۋريستەر وتىرعان ميكرواۆتوبۋستىڭ جول اپاتىنان كەم دەگەندە 18 ادام زارداپ شەكتى, دەپ حابارلايدى Egemen.kz ريا نوۆوستي-گە سىلتەمە جاساپ.
اگەنتتىكتىڭ مالىمەتىنشە, وقيعا تۋندجەلي - ەرزيندجان اۆتوجولىنىڭ 44-ءشى شاقىرىمىندا بولعان. قارا تەڭىز جاعالاۋىنان ەلدىڭ شىعىس بولىگىندەگى مالاتيا قالاسىنا بارا جاتقان تۋريستىك اۆتوبۋستىڭ جۇرگىزۋشىسى كولىكتى باسقارا الماي, سالدارىنان كولىك قۇلاعان.
وقيعا ورنىنا كەلگەن جەدەل جاردەم بريگادالارى جاراقات العان جولاۋشىلاردى اۋرۋحاناعا جەتكىزدى. زارداپ شەككەندەردىڭ ناقتى سانى ءالى بەلگىسىز. پوليتسيا تەرگەۋ جۇرگىزىپ جاتىر.