قر يندۋستريا جانە ينفراقۇرىلىمدىق دامۋ مينيسترلىگىندە الداعى جىلۋ بەرۋ ماۋسىمىنا دايىندىق ماسەلەلەرى تالقىلاندى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
مينيستر قايىربەك وسكەنباەۆتىڭ توراعالىعىمەن وتكەن كەڭەسكە يندۋستريا جانە ينفراقۇرىلىمدىق دامۋ ۆيتسە-ءمينيسترى ەركەبۇلان داۋىلباەۆ, يندۋستريالىق دامۋ كوميتەتىنىڭ توراعاسى ءىلياس وسپانوۆ, «قتج» ۇك» اق باسقارۋشى ديرەكتورى باۋىرجان ورىنباساروۆ, سونداي-اق جەرگىلىكتى اتقارۋشى ورگاندار مەن سەرىكتەستىكتەردىڭ وكىلدەرى قاتىستى.
مينيسترلىك 2022-2023 جىلدارعا ارنالعان بيۋدجەتتىك ۇيىمدار مەن تۇرعىنداردىڭ كومىرگە دەگەن سۇرانىسىنىڭ جوسپارىن ازىرلەدى. جوسپار بويىنشا تۇتىنۋ كولەمى شامامەن 9,5 ملن توننانى قۇرايدى, ونىڭ ىشىندە ىشكى سەكتور – 2,8 ملن توننا.
«مينيسترلىك كەلەسى جىلىتۋ ماۋسىمىنا دايىندىقتى ناۋرىز ايىندا باستادى. جەرگىلىكتى اتقارۋشى ورگانداردىڭ وكىلدەرىنە 15 شىلدەدەن باستاپ حالىق ءۇشىن كومىر جيناۋدى باستاۋ ۇسىنىلادى. مينيسترلىك جول كارتاسىن ازىرلەدى. بۇگىنگى تاڭدا كارتا وبلىستاردىڭ, نۇر-سۇلتان, الماتى جانە شىمكەنت قالالارىنىڭ اكىمدىكتەرىنە جىبەرىلدى», دەدى ءىلياس وسپانوۆ.
جيىندى قورىتىندىسى بويىنشا قايىربەك وسكەنباەۆ جاۋاپتى تۇلعالارعا جىلۋ بەرۋ ماۋسىمىنا دايىندىق جۇمىستارىن تۇراقتى باقىلاۋدا ۇستاۋدى تاپسىردى.