سوت كەنتاۋ قالاسىنىڭ بۇرىنعى اكىمىن پارا العانى ءۇشىن كىنالى دەپ تانىپ, 10 جىلعا باس بوستاندىعىنان ايىردى, دەپ حابارلايدى Egemen.kz.
الماتىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى كەنتاۋ قالاسىنىڭ ەكس-اكىمى داۋرەن ماحاجانوۆقا قاتىستى ۇكىم شىعاردى. ول 366-باپتىڭ 4-بولىگى «اسا ءىرى مولشەردە پارا الۋ» بويىنشا قىلمىس جاساعانى ءۇشىن كىنالى دەپ تانىلدى.
«سوت داۋرەن ءسابيت ۇلى ماحاجانوۆتى 24-باپتىڭ 7-بولىگى بويىنشا قىلمىستىق قۇقىق بۇزۋشىلىق جاساعانى ءۇشىن كىنالى دەپ تانۋعا ۇكىم شىعاردى جانە قر قك-نىڭ 366-بابى 4-بولىگى. مەملەكەتتىك قىزمەتتە, سوتتا, ۇلتتىق بانكتە, ۆەدومستۆولاردا, قارجى نارىعى مەن قارجى ۇيىمدارىن رەتتەۋ جانە باقىلاۋ ورگاندارىندا, مەملەكەتتىك ۇيىمدا جانە كۆازيمەملەكەتتىك سەكتور سۋبەكتىلەرىندە قىزمەت اتقارۋعا ءومىر بويىنا تىيىم سالۋ جانە ون جىل مەرزىمگە باس بوستاندىعىنان ايىرۋ تۇرىندەگى جازا تاعايىندالسىن. جازانى وتەۋ ورنى قىلمىستىق-اتقارۋ جۇيەسىنىڭ بارىنشا قاۋىپسىز مەكەمەلەرى بولىپ تاعايىندالادى. مەرزىم سوت ۇكىمى زاڭدى كۇشىنە ەنگەن ساتتەن باستاپ ەسەپتەلەدى. 2022 جىلدىڭ 24 اقپانىنان باستاپ قاماۋعا الۋ مەرزىمى جازا مەرزىمىنە ەسەپتەلسىن», دەلىنگەن ۇكىمدە.