شىعىس قازاقستان وبلىسىنىڭ پوليتسەيلەرى قر ءىىم ەققكد ۇيلەستىرۋىمەن ايماققا سينتەتيكالىق جانە پسيحوتروپتىق ەسىرتكىلەردى جەتكىزۋ ارناسىنىڭ جولىن كەسۋ بويىنشا ارنايى وپەراتسيا وتكىزدى, دەپ حابارلايدى Egemen.ءkz ىىم ءباسپاسوز قىزمەتىنە سىلتەمە جاساپ.
جەدەل تەكسەرۋ شارالارىنىڭ ناتيجەسىندە, ەسىرتكىنى وتكىزۋ پروتسەسىنە جاستاردى ىزدەۋ جانە تارتۋ ءۇشىن ەلدىڭ شىعىسىنا كەلگەن 26 جاستاعى وزبەكستان ازاماتى ۇستالدى. ءتىنتۋ بارىسىندا ودان سالماعى 500 گرامنان اساتىن «الفا-PVP» پسيحوتروپتى زات تاركىلەندى.
– ۇستالعان ادامعا قاتىستى قر قك 297-بابى 3-بولىگى بويىنشا سوتقا دەيىنگى تەرگەۋ جۇرگىزىلۋدە جانە سوتتىڭ سانكتسياسىمەن ول قاماۋعا الىندى. قابىلدانعان شارالارمەن 1 600-دەن استام ءبىر رەتتىك دوزا سينتەتيكالىق ەسىرتكىنىڭ زاڭسىز اينالىمعا تۇسۋىنە جول بەرىلمەدى, – دەدى شقو پد باستىعىنىڭ ورىنباسارى تالعات شاياحمەتوۆ.
وسى باپتىڭ سانكتسياسىمەن 10 جىلدان 15 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا كوزدەلگەن.