تۇركىستان قالاسىنىڭ اكىمدىگى, پروكۋراتۋرا مەن ەڭبەك ينسپەكتسياسى بىرلەسىپ «اقجول» جشس جۇمىسشىلارىنىڭ جالاقى الا الماۋ ماسەلەسى بويىنشا تەكسەرىس جۇرگىزدى, دەپ حابارلايدى Egemen.kz.
«اقجول» جشس-دا 752 جۇمىسكەردىڭ الدىندا وسى جىلدىڭ ناۋرىز, ءساۋىر جانە مامىر ايلارى ءۇشىن جالپى سوماسى 232 ملن 449 مىڭ تەڭگە جالاقىدان قارىز ورىن العانى انىقتالدى.
«اقجول» جشس اقبتك-ءنىڭ 87-بابى 1-تارماعىنا سايكەس, اكىمشىلىك جاۋاپكەرشىلىككە تارتىلدى. تەكسەرۋ قورىتىندىسى بويىنشا «اقجول» جشس باسشىسى اتىنا ەڭبەك زاڭناماسىنىڭ بۇزۋشىلىقتارىن جويۋ بويىنشا ورىندالۋى مىندەتتى نۇسقاما بەرىلگەن. نۇسقاما تالابىن ورىنداتۋ بويىنشا باسقارما تاراپىنان جۇمىس جۇرگىزىلۋدە», دەدى وبلىستىق ەڭبەك ينسپەكتسياسى جونىندەگى باسقارما باسشىسىنىڭ م.ا. اسقار سەيتقازين.
قالا اكىمى نۇربول تۇراشبەكوۆتىڭ ايتۋىنشا, اتالعان سەرىكتەستىك 2017 جىلدان بەرى قوسالقى مەردىگەر رەتىندە قالا اۋماعىنداعى بىرنەشە قۇرىلىس جۇمىستارىنا قاتىسىپ كەلگەن. 2021 جىلى قوجا احمەت ياساۋي اتىنداعى حقتۋ تاس جولىنان وتىرار مولتەك اۋدانىنا باراتىن جولدىڭ كۇردەلى جوندەۋ نىسانىنا قاتىستى قازىرگى تاڭدا سوت پروتسەسى جۇرۋىنە بايلانىستى قالا اكىمدىگى تاراپىنان قارجى اۋدارىلماعان. سوت اياقتالعان سوڭ, شەشىمىنە سايكەس تولەمدەر جۇرگىزىلەتىن بولادى», دەدى قالا باسشىسى.
«اقجول» جشس جۇمىسشىلارىنا جالاقى تولەي الماۋىنىڭ نەگىزگى كرەديتورلىق بەرەشەگى - قۇرىلىس ماتەريالدارى قۇنىنىڭ وسۋىمەن نەمەسە جوعارىدا اتالعان جشس-نىڭ مەردىگەر نەمەسە قوسالقى مەردىگەر بولعان جەكە كومپانيالارمەن بايلانىستى تۋىنداعان.
«كوتەرىلىپ وتىرعان ماسەلەدە «اقجول» جشس باس مەردىگەر ەمەس, قوسالقى مەردىگەر رەتىندە جۇمىستار جۇرگىزگەن. الداعى ۋاقىتتا سەرىكتەستىك وزدەرىنىڭ اتقارعان جۇمىستارىن باس مەردىگەرگە تولىققاندى دالەلدەپ بەرگەن جاعدايدا ايتىلعان سومانىڭ بارلىعى تولەنەدى. باس مەردىگەر مەن قوسالقى مەردىگەر اراسىنداعى ماسەلەگە ارالاسۋ اكىمدىك قۇزىرىنا كىرمەيدى. اتالعان ماسەلە سوتقا دەيىنگى رەتتەۋ تارتىبىمەن نەمەسە ەكونوميكالىق سوتتا شەشىلۋگە ءتيىس. ميتينگىلەر مەن شەرۋلەر مۇنداي ماسەلەلەردى شەشپەيدى», دەدى اكىم.
بريفينگ بارىسىندا باس مەردىگەر «Capital Construction Projects Kazahkstan» جشس-ءى وكىلى باقىتجان ەساليەۆ «اقجول» جشس-نەن 190 ملن تەڭگەگە ورىندالعان جۇمىستاردى سالىستىرىپ تەكسەرۋگە قول جەتكىزە الماعانىن جەتكىزدى. ال اكىمشىلىك عيماراتتاردىڭ ءبىرىنىڭ باس مەردىگەرى - «كونتينەنت ترانزيت» كومپانياسىنىڭ وكىلى ابدۋعاني ابدۋكادىر «اقجول» جشس قوسالقى مەردىگەرى وزىنە العان مىندەتتەمەلەرىن ورىنداماعانىن جانە قۇرىلىس جۇمىستارىن اياقتاماي كەتىپ قالعانىن, ونىمەن قويماي باس مەردىگەردەن 150 ملن تەڭگە تالاپ ەتىپ وتىرعانىن ايتىپ وتىر.