ارنايى وپەراتسيا بارىسىندا الماتى جانە قازاقستاننىڭ باسقا وڭىرلەرىنىڭ اۋماعىندا ينتەرنەت ارقىلى «الفا-PVP» سينتەتيكالىق ەسىرتكىلەرىن قولدان جاساپ, وتكىزۋدى ۇيىمداستىرعان ەكى ازامات ۇستالدى, دەپ حابارلايدى Egemen.kz قر ۇلتتىق قاۋىپسىزدىك كوميتەتىنە سىلتەمە جاساپ.
«29 ماۋسىمدا الماتى قالاسى مەن ونىڭ ماڭىندا شامامەن 16 كگ «الفا-PVP», كريستالدانۋ ساتىسىنداعى 15 كگ ەسىرتكى, 5 توننادان استام پرەكۋرسورلار مەن زەرتحانالىق جابدىقتار تاركىلەندى. «قارا نارىقتا» تاركىلەنگەن ەسىرتكى قۇرالدارىنىڭ قۇنى جارتى ميللياردتان استام تەڭگەگە باعالاندى», دەلىنگەن كوميتەت حابارلاماسىندا.
اتالعان فاكتى بويىنشا قر قك 297-بابىنىڭ 3-بولىگى بويىنشا سوتقا دەيىنگى تەرگەۋ ماتەريالدارى سوتقا دەيىنگى تەرگەۋگە الىندى.