قر پرەمەر-ءمينيسترى ءاليحان سمايىلوۆ سەنات دەپۋتاتتارىنىڭ ساۋالىنا بەرگەن جاۋابىندا 2024 جىلدان باستاپ اۋىلدىق بيۋدجەتتەرگە قوسىمشا سالىقتار مەن تولەمدەر بەرىلەتىنىن ايتتى, دەپ حابارلايدى Egemen.kz.
«بيۋدجەت كودەكسىنە سايكەس بيۋدجەت پروتسەسىندە وبلىستىق بيۋدجەتتىڭ اۋداندىق ماڭىزى بار قالالاردىڭ, اۋىلداردىڭ, كەنتتەردىڭ, اۋىلدىق وكرۋگتەردىڭ بيۋدجەتتەرىمەن ءوزارا قارىم-قاتىناسىنا جول بەرىلمەيدى. بۇدان باسقا, بيۋدجەتارالىق قاتىناستار مەملەكەتتىك باسقارۋدىڭ دەڭگەيلەرى اراسىندا فۋنكتسيالار مەن وكىلەتتىكتەر ارا جىگىنىڭ ايقىن اجىراتىلۋىنا, رەسپۋبليكالىق, وبلىستىق بيۋدجەتتەر, رەسپۋبليكالىق ماڭىزى بار قالالاردىڭ, استانانىڭ بيۋدجەتتەرى, اۋداندىق (وبلىستىق ماڭىزى بار قالالار) بيۋدجەتتەر, اۋداندىق ماڭىزى بار قالالاردىڭ, اۋىلداردىڭ, كەنتتەردىڭ, اۋىلدىق وكرۋگتەردىڭ بيۋدجەتتەرى اراسىندا تۇسىمدەر مەن شىعىستاردىڭ بىركەلكى بولىنۋىنە, سونداي-اق بيۋدجەتارالىق ترانسفەرتتەردى ايقىنداۋ ادىستەرىنىڭ بىرلىگى مەن اشىقتىعىنا نەگىزدەلگەن», دەپ ءتۇسىندىردى ۇكىمەت باسشىسى ءوزىنىڭ جاۋابىندا.
پرەمەر-ءمينيستردىڭ ايتۋىنشا, ەكولوگيا كودەكسىنە سايكەس قورشاعان ورتاعا جاعىمسىز اسەر ەتكەنى ءۇشىن تولەماقى بويىنشا تۇسىمدەر جوسپارىن ۋاكىلەتتى ورگان بەكىتەتىن قورشاعان ورتانى قورعاۋ جونىندەگى ءىس-شارالارعا تولىعىمەن جىبەرىلەدى. وسىعان بايلانىستى بۇل تولەم 4-ءشى دەڭگەيدەگى بيۋدجەتكە بەرىلۋگە جاتپايدى.
سونىمەن قاتار, بيۋدجەتتىڭ 4-ءشى دەڭگەيىنىڭ قارجىلىق مۇمكىندىكتەرىن كۇشەيتە وتىرىپ, جەرگىلىكتى ءوزىن-ءوزى باسقارۋدى (بۇدان ءارى – ءجوب) نىعايتۋ جالعاسۋدا.
اۋىلدىق وكرۋگ اكىمى مەنشىك يەلەرىنىڭ جەر ۋچاسكەلەرىن ۇتىمدى جانە ماقساتتى پايدالانۋى ءۇشىن جاۋاپتىلىقتا بولاتىنىن ەسكەرە وتىرىپ, 2022 جىلدان باستاپ بىرىڭعاي جەر سالىعى, جەر ۋچاسكەلەرىن پايدالانعانى ءۇشىن تولەماقى, جەر ۋچاسكەلەرىن ساتۋدان تۇسەتىن تۇسىمدەر جانە جەر ۋچاسكەلەرىن جالداۋ قۇقىعىن ساتقانى ءۇشىن تولەماقى بيۋدجەتتىڭ ءتورتىنشى دەڭگەيىنە بەرىلدى.
ء«جوب دامىتۋدىڭ 2025 جىلعا دەيىنگى تۇجىرىمداماسىنا سايكەس جەرگىلىكتى ماڭىزى بار ماسەلەلەردى شەشۋ كەزىندە بيۋدجەتتىڭ 4-دەڭگەيىنىڭ جوعارى تۇرعان دەڭگەيدەن قارجىلىق تاۋەلدىلىگىن تومەندەتۋ كوزدەلگەن. تۇجىرىمدامادا 2024 جىلدان باستاپ اۋىلدىق بيۋدجەتتەرگە قوسىمشا سالىقتار مەن تولەمدەردى (سۋ رەسۋرستارىن پايدالانعانى ءۇشىن تولەماقى; جەكەلەگەن قىزمەت تۇرلەرىمەن اينالىسۋ قۇقىعى ءۇشىن ليتسەنزيالىق الىم; جەكەلەگەن قىزمەت تۇرلەرىمەن اينالىسۋعا وتكىزۋ ارنالعان ليتسەنزيالاردى پايدالانعانى ءۇشىن تولەماقى (الكوگول ءونىمىن ساقتاۋ جانە بويىنشا) بەرۋ كوزدەلگەن. وسىلايشا, قولدانىستاعى كىرىس كوزدەرى تۇسىمدەردىڭ قوسىمشا تۇرلەرىن بيۋدجەتتىڭ 4-ءشى دەڭگەيىنە بەرۋ ارقىلى ۇلعايادى. سونىمەن قاتار, اۋىلدىق وكرۋگتىڭ ۋچاسكەلىك پوليتسەيلەرى سالاتىن ايىپپۇلدى اۋىلدىق وكرۋگتىڭ بيۋدجەتىنە بەرۋ جەرگىلىكتى بيۋدجەتتىڭ 4-ءشى دەڭگەيى كىرىس بولىگىنىڭ نىعايۋىنا قاراي ودان ءارى قارالاتىن بولادى», دەدى ۇكىمەت باسشىسى.