قر ۇلتتىق بانكىنىڭ توراعاسى عالىمجان ءپىرماتوۆ بازالىق موشەرلەمە نەگە وزگەرىسسىز قالعانىن ايتتى, دەپ حابارلايدى Egemen.kz.
«بۇل شەشىم وسى جىلدىڭ مامىر-ماۋسىم ايلارىندا جۇرگىزىلگەن بولجامدىق راۋندتىڭ قورىتىندىسى نەگىزىندە قابىلداندى. ءبىز ينفلياتسيا ءوسىپ, جىل سوڭىنا قاراي 13-15% دەڭگەيىندە قالىپتاسادى دەپ بولجاپ وتىرمىز.
2022 جىلعى ناۋرىزدان باستاپ گەوساياسي جاعدايدىڭ شيەلەنىسۋى جانە قازاقستاننىڭ قارجى نارىعىنا قىسىمنىڭ ايتارلىقتاي كۇشەيۋىنىڭ اياسىندا قازاقستاندا ينفلياتسيا ۇدەي تۇسكەنىن ەسكەرگەن ءجون. رەسەي فەدەراتسياسىنا قارسى سانكتسيالارعا بايلانىستى جاھاندىق جەتكىزىلىم تىزبەگىندەگى پروبلەمالاردىڭ شيەلەنىسۋى الەمدەگى ءوندىرىس قۇنىنىڭ قىمباتتاۋىنا الىپ كەلدى. شەشىم قابىلداعاندا ءبىز وسى فاكتورلاردىڭ بارلىعىن ەسكەرەمىز», دەدى ول ۇلتتىق بانك سايتىندا جاريالانعان سۇحباتتا.
ونىڭ ايتۋىنشا, بازالىق مولشەرلەمەنىڭ ساقتالۋى ينفلياتسيانى باسەڭدەتۋگە سەپتىگىن تيگىزبەك.
«ورتا مەرزىمدى كەزەڭدە ينفلياتسيانى باسەڭدەتۋ ماقساتىمەن ينفلياتسيامەن كۇرەستىڭ جانە ەكونوميكانىڭ ءوسۋى اراسىنداعى تەڭگەرىمدى ەسكەرە وتىرىپ, ءبىز بازالىق مولشەرلەمەنى 14% دەڭگەيىندە ساقتاپ قالدىق.
بازالىق مولشەرلەمەنىڭ جوعارى بولۋى كونترتسيكلدىك بيۋدجەت ساياساتىمەن جانە سىرتقى ينفلياتسيالىق قىسىمنىڭ السىرەۋىمەن بىرگە 2023 جىلى ينفلياتسيانىڭ 7,5-9,5%-عا دەيىن باياۋلاۋىنا ىقپال ەتەدى», دەدى ۇلتتىق بانك توراعاسى.