قىزىلوردادا سۇيىق زات تيەلگەن جۇك كولىگى ورتتەنىپ كەتتى

وقيعا بۇگىن, 12 شىلدەدە ساعات 7:53-تە «سامارا-شىمكەنت» تاس جولىنىڭ ارال اۋدانىندا بولدى. جەرگىلىكتى 112 قۇتقارۋ قىزمەتىنە جول بويىندا جۇك كولىگىنىڭ ورتەنىپ جاتقانى جونىندە حابارلاما تۇسكەن.

«اتالعان شاقىرتۋ بويىنشا №3 ءورت ءسوندىرۋ ءبولىمى وقيعا ورنىنا اتتاندى. بارلاۋ جۇمىستارىنىڭ ناتيجەسىندە تاس جولدىڭ 1311 شاقىرىمىندا تۇركيادان قىرعىزستان استاناسى بىشكەككە بارا جاتقان فۋرانىڭ تىركەمەسىندەگى سۇيىق زات تولىق جانىپ جاتقانى انىقتالدى. كولىك جۇرگىزۋشىسى امان. ءورت 9:25-تە تولىق ءسوندىرىلدى»,  دەدى قىزىلوردا وبلىسى توتەنشە جاعدايلار دەپارتامەنتى ءورت ءسوندىرۋ جانە اۆاريالىق قۇتقارۋ جۇمىستارى قىزمەتىنەن.

وقيعانىڭ ءمان-جايى انىقتالىپ, شىعىن مولشەرى ەسەپتەلىپ جاتىر.