سىبايلاس جەمقورلىققا قارسى ءىس-قيمىل اگەنتتىگى قىلمىستىق قۋدالاۋ ورگانىنان جاسىرىنعان ادامداردى ىزدەستىرۋگە ەرەكشە نازار اۋدارىپ كەلەدى. ولاردىڭ كوپشىلىگى ەلدەن تىس جەرلەردە جاسىرىنىپ جۇرەدى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
ماسەلەن, سىبايلاس جەمقورلىققا قارسى قىزمەتتىڭ ەلوردالىق دەپارتامەنتى 2010 جىلدان باستاپ سىبايلاس جەمقورلىق قىلمىسى بويىنشا كۇدىكتى بولات التىنبەكوۆتى حالىقارالىق ىزدەستىرۋدى جۇزەگە اسىردى.
«حالىقارالىق ىنتىماقتاستىق شەڭبەرىندەگى جەدەل-ىزدەستىرۋ ءىس-شارالارىنىڭ ناتيجەسىندە رەسەي فەدەراتسياسىنىڭ قۇقىق قورعاۋ ورگاندارى سىبايلاس جەمقورلىققا قارسى قىزمەتپەن جانە قازاقستان رەسپۋبليكاسى ءىىم ينتەرپولمەن بىرلەسىپ, ماسكەۋ قالاسىندا التىنبەكوۆ ۇستالىپ, قاماۋعا الىندى. تەرگەۋ ورگاندارىنان جاسىرىنۋ ءۇشىن ول ءوزىنىڭ تەگىن «التىنبەكوۆتەن» «الشەرگە» وزگەرتكەن», دەلىنگەن حابارلامادا.
قازىرگى ۋاقىتتا ونى قازاقستانعا ەكستراديتسيالاۋ ءراسىمى باستالدى.