قوستاناي وبلىسىنداعى پريتوبولسكايا ستانتسياسىنىڭ رەتتەلەتىن تەمىر جول وتكەلىندە جول-كولىك وقيعاسى بولدى, دەپ حابارلايدى Egemen.kz «قازاقستان تەمىر جولى» اق ءباسپاسوز قىزمەتىنە سىلتەمە جاساپ.
«11 شىلدە ساعات 14:35-تە قوستاناي وبلىسىنىڭ توبىل - قۇسمۇرىن ۋچاسكەسىندەگى پريتوبولسكايا ستانتسياسىنىڭ رەتتەلەتىن تەمىر جول وتكەلىندە جول-كولىك وقيعاسى بولدى. كۋاگەرلەردىڭ ايتۋىنشا, «جيگۋلي» ماركالى جەڭىل كولىك جۇرگىزۋشىسى توقتاپ تۇرعان ماشينالاردى اينالىپ ءوتىپ, تەمىر جولعا شىققان. سول ساتتە جۇك پويىزى كەلە جاتقان», دەلىنگەن حابارلامادا.
جول اپاتىنان زارداپ شەككەندەر بار. وقيعا ورنىندا پوليتسيا جۇمىس ىستەپ جاتىر. پويىز ساعاتىنا 57 كم جىلدامدىقپەن ءجۇرىپ كەلە جاتقان. وتكەلدەگى بەلگى بەرۋ قۇرىلعىسى دۇرىس جۇمىس ىستەيدى.
«قازاقستان تەمىر جولى» ۇك» اق-دا وقيعانىڭ سەبەپتەرى مەن ءمان-جايلارىن تەكسەرۋ ءۇشىن كوميسسيا قۇرىلدى.