جۇكتى قۇرلىق دالىزىنە قايتا باعدارلاۋ اياسىندا ماسكەۋ وبلىسىنىڭ چەحوۆ ستانتسياسىنان ناۆا-شەۆا پورتىنا ء(ۇندىستان) پيلوتتىق كونتەينەرلىك پويىز جونەلتىلدى, دەپ حابارلايدى Egemen.kz «قازاقستان تەمىر جولى» ۇلتتىق كومپانياسىنا سىلتەمە جاساپ.
«قىرىق فۋتتىق كونتەينەردەن تۇراتىن پيلوتتىق پويىز بەلگىلەنگەن ستانتسياعا قۇرىلىس ماتەريالدارىن جەتكىزەدى. رەسەي, قازاقستان, تۇرىكمەنستان, يران جانە ءۇندىستان اۋماقتارى ارقىلى وتەتىن تەمىرجول جەلىسىنىڭ ۇزىندىعى 8 مىڭ شاقىرىمنان اسادى. KTZ Express قازاقستان – تۇرىكمەنستان – يران باعىتىنا جۇكتەردى قايتا باعدارلاۋدى جەدەلدەتۋگە ەرەكشە نازار اۋدارادى», دەپ جازدى ۆەدومستۆودان.
ەسكە سالا كەتەيىك, بيىل ماۋسىم ايىندا قازاقستان, تۇرىكمەنستان جانە يران ارقىلى تۇركياعا قۇرلىقتىق ءدالىز بويىنشا پيلوتتىق كونتەينەرلىك پويىز جونەلتىلدى.