قۇتقارۋشىلار الماتى تاۋلارىندا اداسقان تۋريستەرگە كومەكتەستى. ءۇش ادامنان تۇراتىن وتباسى سەرۋەنگە شىعىپ, اداسىپ قالعان, دەپ حابارلايدى Egemen.kz.
قر تجم «رەسپۋبليكالىق جەدەل-قۇتقارۋ جاساعى» مم قىزمەتكەرلەرى ەر ادام مەن ايەل ادامعا جانە 13 جاستاعى جاسوسپىرىمگە كومەك كورسەتكەن.
«9 شىلدەدە ولار ەسكى جاپون جولىمەن الماراسان شاتقالىندا سەرۋەندەۋگە بارۋدى ۇيعارعان. بىراق باعدارىن جوعالتىپ, كەشكە دەيىن اداسىپ جۇرگەن. التى قۇتقارۋشى اداسقانداردى ىزدەۋگە شىعىپ, ساعات 21:00 شاماسىندا اعا قۇتقارۋشىعا گەولوكاتسيا جىبەرىلدى. ءبىر ساعات ىشىندە قۇتقارۋشىلار اداسقانداردى تاۋىپ الىپ, تۇسۋگە كومەكتەستى», دەدى قر تجم «رەسپۋبليكالىق جەدەل-قۇتقارۋ جاساعى» مم ءباسپاسوز قىزمەتى.