Turgensai ۆيزيت-ورتالىعى تۇرگەن شاتقالىنىڭ بىرەگەي ورىندارى بويىنشا جاياۋ ءجۇرۋدىڭ باستاپقى نۇكتەسى بولادى. 9 شىلدەدە «QazaqGeography» رەسپۋبليكالىق قوعامدىق بىرلەستىگى ورتالىقتىڭ سالتاناتتى اشىلۋىنا باستاماشى بولدى. وعان قر پرەمەر-ءمينيسترىنىڭ ورىنباسارى ەرالى توعجانوۆ قاتىستى, دەپ حابارلايدى Egemen.kz.
Turgensai - ىلە-الاتاۋ ۇلتتىق پاركىنىڭ كارتاسىنداعى ەكىنشى ساپار ورتالىعى.
زاماناۋي ستاندارتپەن سالىنعان ورتالىق وبلىس تۋريستەرى مەن قوناقتارىنا ۇلتتىق پاركتىڭ قىزمەتى تۋرالى بارلىق قاجەتتى اقپاراتتى ۇسىنادى.
«ەل باسشىلىعى ەكوتۋريزمدى دامىتۋعا ەرەكشە كوڭىل بولەدى, بۇل جونىندە ءتيىستى تاپسىرما بەرىلەدى», دەپ اتاپ ءوتتى قر ۆيتسە-پرەمەرى ەرالى توعجانوۆ.
الماتى ءوڭىرى ەكوتۋريزمدى دامىتۋدىڭ نەگىزگى باعىتى ەكەنى انىق. 2021 جىلدىڭ قورىتىندىسى بويىنشا الماتى كلاستەرىنىڭ اۋماعى شەگىندەگى ءۇش ۇلتتىق ساياباققا جالپى كەلۋشىلەر 2020 جىلدىڭ عانا ەمەس, 2019 جىلعا, پاندەمياعا دەيىنگى جىلدىڭ دەڭگەيىنەن اسىپ ءتۇستى. 2022 جىلدىڭ 6 ايىنىڭ قورىتىندىسى دا ۇلتتىق پارككە كەلۋشىلەر ارتقانىن بايقاتتى. مۇنىڭ ءبارى ەكوتۋريزمنىڭ جوعارى دامۋ قارقىنىن جانە ەكولوگيالىق تۋريزم مادەنيەتىنىڭ حالىق اراسىندا تارالۋىن كورسەتەدى.
ۆيزيت-ورتالىق مادەنيەتى قازاقستاندىقتار مەن شەتەلدىك قوناقتاردىڭ وزدەرى ءۇشىن ۇيىمداستىرىلعان دەمالىستى قالىپتاستىرۋ مۇمكىندىگى بولۋى ءۇشىن ومىرىمىزگە تىعىز ەنۋى ءتيىس, - دەدى QazaqGeography رقب باسقارما توراعاسى ورمان نۇرباەۆ.
– بۇل - قاراپايىم ازاماتتارعا جولساپاردا قاۋىپسىز مارشرۋت, نۇسقاۋلىق, دەمالۋعا جانە كۇش جيناۋعا ارنالعان ورىن تۋرالى ماعلۇمات الۋىنا مۇمكىندىك بەرەتىن ۋاقىت تالابى. جانە دە ۇلتتىق پاركتەر, وسىنىڭ ەسەبىنەن اۋماقتاردى تارتىپتە ۇستاي الادى, سونىمەن قاتار ينفراقۇرىلىمدى دامىتۋعا جانە جاقسارتۋعا قول جەتكىزە الادى.
اشىلۋ سالتاناتىنا مادەنيەت جانە سپورت ۆيتسە-ءمينيسترى ەرجان ەركىنباەۆ, ەكولوگيا, گەولوگيا جانە تابيعي رەسۋرستار ۆيتسە-ءمينيسترى ءاليا شالابەكوۆا, الماتى وبلىسىنىڭ اكىمى مارات سۇلتانعازيەۆ جانە جەرگىلىكتى اتقارۋشى ورگان وكىلدەرى قاتىستى.
تۇرگەن نەسىمەن تانىمال؟
Turgensai - كەلۋشىلەردىڭ ۇلتتىق پاركپەن تانىسۋ ورنى جانە ىلە-الاتاۋ ۇلتتىق پاركى تۇرگەن شاتقالىنىڭ قول تيمەگەن تابيعاتىندا ساياحاتتاۋدىڭ باستاپقى نۇكتەسى.
ورتالىق الماتىدان 80 شاقىرىم جەردە, تابيعات ەسكەرتكىشتەرىنە باي تۇرگەن شاتقالىندا ورنالاسقان.
وسى ورتالىقتان باستاپ ايۋلى سارقىراماسىنا دەيىن جۇرە الاسىز, ونىڭ بيىكتىگى - 30 م.
ۇزىندىعى 1,3 كم بولاتىن بۇل جول - الەۋمەتتىك جانە بارلىق ساناتتاعى ادامدار ءۇشىن قولجەتىمدى تۋريستىك باعىت سانالادى.
بۇدان باسقا, تۇرگەن شاتقالى اۆتوجولىنىڭ بويىندا پايدالى مينەرالدارعا باي سۋىق سۋى بار بەس بۇلاق, سونداي-اق تurgensai ۆيزيت-ورتالىعىنىڭ استىنان جەر قويناۋىنان سوعاتىن ىستىق رادوندى بۇلاقتار بار.
سونداي-اق, وسى ماڭدا تۋريستەرگە قايراقتى سارقىراماسى, شىنتۇرگەن مۇك شىرشا ورماندارى, سيۆەرس الماسىنىڭ تابيعي رەزەرۆاتى جانە باسقا دا تابيعي وبەكتىلەر ءتيىپ تۇر.
ورتالىق مۇمكىندىگى شەكتەۋلى ادامدار مەن بالالى انالارعا قولايلى بولۋى ءۇشىن پاندۋستارمەن جابدىقتالعان.
Turgensai ۆيزيت-ورتالىعى تۋريستەر ءۇشىن عانا ەمەس, مەكتەپ وقۋشىلارى مەن جاستار ءۇشىن دە تارتىمدى ورىن بولادى.
ايۋساي, ۇلتتىق پارك جانە ەرىكتىلەر مۇندا بالالارمەن, جاستارمەن ساباقتار, ال ۆيزيت-ورتالىق قىزمەتكەرلەرى تۇرگەن شاتقالىنىڭ كوركەم جەرلەرىنە ەكسكۋرسيا وتكىزەدى.
تۇرگەن شاتقالى ساق قورعاندارىمەن دە تانىمال, ونىڭ بىرىنەن التىن ادام تابىلعان.
Turgensai كەشەنىنىڭ وزىنە اقپاراتتىق ستەند, ءدارىس زالى, كادەسىي دۇكەنى, تاماقتانۋ ورنى, قوعامدىق دارەتحانا, ويىن الاڭى مەن تەرراسسالار كىرەدى.