11 شىلدە ساعات 8.00-دەن 12 شىلدە ساعات 6.00-گە دەيىن اباي داڭعىلىنىڭ وڭتۇستىك جاعىمەن الاتاۋ داڭعىلىنان قادىربەكوۆ كوشەسىنە دەيىن شىعىس باعىتتا قوزعالىس تولىعىمەن جابىلادى. بۇل تۋرالى الماتى اكىمدىگى مالىمدەدى, دەپ حابارلايدى Egemen.kz.
الماتى قالالىق موبيلدىلىك باسقارماسى بۇل ۋاقىتتا جولدىڭ بەتكى قاباتىنا اسفالت توسەلەتىنىن حابارلادى.
الاتاۋ داڭعىلىنان قادىربەكوۆ كوشەسىنە دەيىنگى شىعىس باعىتتاعى قوزعالىس اباي داڭعىلىنىڭ سولتۇستىك جاعىنداعى ءبىر جولاق بويىنشا جۇزەگە اسىرىلادى.
«بۇل جۇمىستار 2022 جىلعا ارنالعان جۇمىس جوسپارىندا قاراستىرىلعان. كەلتىرىلگەن قولايسىزدىقتار ءۇشىن كەشىرىم سۇرايمىز», دەدى ۆەدومستۆو وكىلدەرى.