پوليتسەيلەر «قوستاناي-اۋليەكول-سۇرعان» تاسجولىندا بولعان جول اپاتىنا قاتىستى سوتقا دەيىنگى تەرگەۋ جۇمىستارىن باستادى, دەپ حابارلايدى Egemen.kz.
«تۇنگى ساعات ءبىر شاماسىندا «قوستاناي-اۋليەكول-سۇرعان» تاسجولىنىڭ 134-ءشى شاقىرىمىندا جول اپاتى بولىپ, ەكى ادام قازا تاپتى. تاعى ءتورت ادام ءارتۇرلى دارەجەدە دەنە جاراقاتىن الدى. شەتەلدىك كولىك جۇرگىزۋشىسى جىلقىنى سوقتى. قازىر اپاتتىڭ سەبەبى انىقتالىپ جاتىر», دەپ حابارلادى پوليتسيادان.
جىلقىنىڭ يەسى قر اكىمشىلىك قۇقىقبۇزۋ كودەكسىنىڭ 408-بابى بويىنشا اكىمشىلىك جاۋاپكەرشىلىككە تارتىلدى. ءتارتىپ ساقشىلارى كۇرە جولدا جول قوزعالىسى ەرەجەلەرىن ساقتاۋ قاجەتتىگىن ەسكە سالدى.
«جۇرگىزۋشىلەرگە تاعى دا ۇندەۋ جولدايمىز: جولدا ابايلاپ ءجۇرىپ, قىراعى بولىڭىز, جول ەرەجەسىن ساقتاڭىز, ادامداردىڭ ءومىرى سوعان بايلانىستى», دەپ اتاپ ءوتتى قوستاناي وبلىسى اكىمدىگىنىڭ ءباسپاسوز قىزمەتىنەن.
قازىرگى كەزدە وبلىستىڭ تاسجولدارىندا پاترۋلدەۋ كۇشەيتىلدى.