بۇل تۋرالى ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتى ءمالىم ەتتى, دەپ حابارلايدى Egemen.kz.
«قازترانسگازايماق» اق-نىڭ شىمكەنت وندىرىستىك فيليالىنا قاتىستى تەكسەرۋ قورىتىندىسى بويىنشا اكىمشىلىك قۇقىق بۇزۋشىلىق تۋرالى كودەكستىڭ 164-بابى 4-بولىگىمەن 4 حاتتاما تولتىرىلدى.
«حاتتامالار تابيعي مونوپوليالار تۋرالى زاڭنامادا بەلگىلەنگەن مىندەتتەردى ورىنداماعانى ءۇشىن تولتىرىلدى. «قازترانسگاز ايماق» اق-نىڭ شىمكەنت وندىرىستىك فيليالى بەرىلگەن تەحنيكالىق شارتتارعا سايكەس قۇرىلىس-مونتاجداۋ جۇمىستارىنىڭ اياقتالعانى تۋرالى اقپارات الىپ, زاڭنامادا بەلگىلەنگەن مەرزىمدەردە رەتتەلىپ كورسەتىلەتىن قىزمەتكە قوسۋدى جۇزەگە اسىرمادى. بۇل – «تابيعي مونوپوليالار تۋرالى» زاڭنىڭ 24 جانە 26-باپتارىن ورەسكەل بۇزۋ», دەلىنگەن ۆەدومستۆو اقپاراتىندا.
اكىمشىلىك ىستەردى شىمكەنت قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتى قارادى.
سوت شەشىمىمەن «قازترانسگاز ايماق» اق-نىڭ شىمكەنت وندىرىستىك فيليالىنا 18 378 000 تەڭگە ايىپپۇل سالىندى.