پاۆلوداردا جالعان شوت-فاكتۋرا شىعارۋدان مەملەكەتكە 2 ملرد تەڭگە شىعىن كەلگەن, دەپ حابارلايدى Egemen.kz.
قارجىلىق مونيتورينگ اگەنتتىگى پاۆلودار وبلىسى بويىنشا دەپارتامەنتىنىڭ قىزمەتكەرلەرى شوت-فاكتۋرانى زاڭسىز جازىپ بەرۋ فاكتىلەرىنىڭ جولىن كەستى.
«تەرگەۋ بارىسىندا ۆ.ر. لەگين مەن س. ا. رىجاكوۆ جالعان تۇلعالارعا رەسىمدەلگەن 13 كومپانيا قۇرعانى انىقتالدى. سودان كەيىن ماتەريالدىق پايدا تابۋ ماقساتىندا 2019 جىلدان باستاپ 2021 جىلعا دەيىن وسى كومپانيالاردىڭ اتىنان بىرقاتار زاڭدى تۇلعالارعا جالپى سوماسى 6,5 ملرد تەڭگەگە جالعان شوت-فاكتۋرا جازىپ بەرگەن», دەلىنگەن حابارلامادا.
ۆ.ر. لەگين مەن س.ا. رىجاكوۆتىڭ قىلمىستىق ارەكەتىنەن مەملەكەتكە تولەنبەگەن سالىق تۇرىندە 2 ملرد تەڭگەدەن استام سوماعا زالال كەلدى. سوت ەكەۋىن دە كىنالى دەپ تاۋىپ, لەگين ۆيلگەلم روبەرتوۆيچ پەن رىجاكوۆ سەرگەي الەكساندروۆيچتى 2 جىل 9 ايعا باس بوستاندىعىنان ايىردى.
لەگيننەن 13 ملن تەڭگەدەن استام اقشا تاركىلەۋ تۋرالى ۇكىم شىقتى.