2021 جىلى شىمكەنتتە 1 ملن شارشى مەتردەن استام تۇرعىن-جاي ەل يگىلىگىنە بەرىلدى. ال بيىل بۇل مەجەنى 4,7 پايىزعا ارتتىرىپ, پايدالانۋعا بەرىلەتىن باسپانا كولەمىن 1 ملن 60 مىڭ شارشى مەترگە جەتكىزۋ كوزدەلىپ وتىر. بۇل تۋرالى قالا اكىمى مۇرات ايتەنوۆ ەلوردادا ورتالىق كوممۋنيكاتسيالار قىزمەتىندە وتكەن ءباسپاسوز بريفينگىندە مالىمدەدى, دەپ حابارلايدى Egemen.kz.
«بيۋدجەت ەسەبىنەن كوپقاباتتى 51 ءۇي پايدالانۋعا تاپسىرىلادى دەگەن جوسپار بار. بۇل – جالپى 2 972 پاتەر دەگەن ءسوز. ونىڭ ىشىندە 31 كرەديتتىك, 20 ارەندالىق ءۇي بار», دەدى قالا اكىمى.
مەگاپوليس باسشىسىنىڭ ايتۋىنشا, باسپانا كەزەگىندە تۇرعان, تابىسى از ازاماتتارعا قۇنى 1 ميلليون تەڭگەلىك تۇرعىن ءۇي سەرتيفيكاتىن بەرۋ قاراستىرىلعان. بۇل ماقساتتا 500 ملن تەڭگە ءبولىندى.
«بۇعان قوسا كوپقاباتتى 18 ءۇي جوندەلۋدە. ال تۇرعىن ءۇي قورىن باسقارۋدىڭ جاڭا مەحانيزمدەرى – پاتەر يەلەرىنىڭ بىرلەستىگى مەن جاي سەرىكتەستىككە ءوتۋ كورسەتكىشى قالادا 100 پايىزدى قۇرايدى», دەدى اكىم.