جاقىندا «قازاقستان حالىق پارتياسى» دەپۋتاتتىق فراكتسياسىنىڭ دوڭگەلەك ۇستەلىندە مۇگەدەكتىگى بار بالالاردى جانە مۇمكىندىگى شەكتەۋلى بالالاردى تاربيەلەپ وتىرعان وتباسىلاردى قۇقىقتىق جانە الەۋمەتتىك قورعاۋدىڭ وزەكتى ماسەلەلەرى قارالدى.
وتىرىسقا ءماجىلىس دەپۋتاتتارى, مينيسترلىكتەردىڭ جاۋاپتى قىزمەتكەرلەرى جانە رەسپۋبليكانىڭ قوعامدىق بىرلەستىكتەرىنىڭ وكىلدەرى قاتىستى. وتىرىستىڭ كۇن تارتىبىندەگى ماسەلە بويىنشا ءسوز سويلەۋشىلەر مەملەكەتتىڭ باستى مىندەتتەرىنىڭ ءبىرى مۇگەدەكتىگى بار ادامداردىڭ الەۋمەتتىك ىقپالداسۋىن, تەڭ قۇقىقتارى مەن مۇمكىندىكتەرىنىڭ بولۋىن قامتاماسىز ەتۋ بولىپ تابىلاتىنىن اتاپ ءوتتى. ەلىمىزدە مۇمكىندىگى شەكتەۋلى ادامداردى, سونىڭ ىشىندە بالالاردى قورعاۋ جونىندە زاڭنامالىق نەگىز, نورماتيۆتىك اكتىلەر بار. بۇل ماڭىزدى ماسەلەدە مەملەكەتتىك ورگاندار, جۇرتشىلىق, ۇكىمەتتىك ەمەس ۇيىمدار بىرلەسە جۇمىس اتقارۋدا. مۇگەدەكتىگى بار بالالارعا, مۇگەدەك بالاسى بار وتباسىلارعا ءتيىستى كومەك كورسەتىلىپ جاتقانىن جانە بولاشاقتا جاردەم ەتۋ قاجەتتىگى تۋرالى ايتىلدى.
وتىرىس قورىتىندىسى بويىنشا قازاقستان رەسپۋبليكاسىنىڭ ۇكىمەتىنە دوڭگەلەك ۇستەلدە كوتەرىلگەن قازاقستانداعى مۇگەدەك بالالاردىڭ قۇقىقتارىن قورعاۋ پروبلەمالارىنا قاتىستى ماسەلەلەر بويىنشا ۇسىنىمدار جولداندى.