ۇلەستىك قۇرىلىس پروبلەمالارى قالاي شەشىلەدى؟

الماتى قالاسىنداعى مەدەۋ اۋدانىندا – 7, ال­ما­لىدا – 6, بوستاندىق پەن الا­تاۋدا – 3, اۋەزوۆتە – 2, جەتى­سۋ, ناۋرىزباي, تۇركسىب اۋدان­دارىندا 1 قۇرىلىس نىسانى ءالى اياقتالماي تۇر. قۇرىلىسقا كەدەرگى كەلتىرگەن فاكتورلار ىشىندە قارجى جەتىسپەۋشىلىگى مەن سوت پروتسەسى ءجيى ايتىلادى.

«بيىل بەس ايدىڭ قور­ىتىن­دىسى بو­يىنشا قازاق­ستان­دا ساپاسىز قۇرىلىس سالاسىندا – 2, ساراپتامالىق نەمەسە ينجينيرينگتىك جۇمىستاردى تيىسىنشە ورىنداماۋ سالاسىندا – 2, ساۋلەت, قالا قۇرىلى­سى جانە قۇرىلىس قىزمەتى نورماتيۆتەرىنىڭ ەرەجەلەرىن نەمەسە تالاپتارىن بۇزۋ سالاسىندا 4 قىلمىستىق قۇقىق بۇزۋشىلىق تىركەلدى. سونداي-اق تاۋ-كەن نەمەسە قۇرىلىس جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزۋ سالاسىندا 71 جاعداي تىركەلدى. سوڭعى باپ بويىنشا بۇزۋشىلىقتار سانى جىلىنا 7 ەسەدەن استام ءوستى», دەيدى Ranking ساراپشىلارى.

يندۋستريا جانە ينفرا­قۇرىلىمدىق دامۋ ءمينيسترى قايىربەك وسكەنباەۆتىڭ ايتۋىنشا, 2022 جىلدىڭ ءبىرىنشى توقسانىندا قۇرىلىس نىساندارىندا جالپى سوماسى 169 ملن تەڭگەنى قۇرايتىن 615 اكىمشىلىك قۇقىق بۇزۋشىلىق ەسەپكە الىنىپتى. ءپروفيلدى كوميتەت 32 تەكسەرىس جۇرگىزىپ, 26 ۇيعارىم جاسالعان. 18 لاۋازىمدى تۇلعا اكىمشىلىك جاۋاپكەرشىلىككە تارتىلىپتى.

«جالپى العاندا ۇلەستىك قۇرىلىس پروبلەمالارى شەشى­لىپ جاتىر. مىسالى, «قازاق­ستان تۇرعىن ءۇي كومپانياسى» اق «كازرەەستر» بىرىڭعاي اقپاراتتىق جۇيەسىن دامىتۋ جۇمىستارىن جۇرگىزۋدە. «كازرەەستر» – تۇرعىن ءۇي قۇرىلىسىنداعى ۇلەستىك قاتىسۋ كەلىسىمشارتتارىن تىركەيتىن اقپاراتتىق جۇيە. اتالعان جۇيە كەلىسىمشارتتاردى تىركەۋ تۋ­رالى انىقتاما بەرۋگە كەتە­تىن ۋاقىتتى ۇنەمدەيدى. «كاز­رەەس­تر­دى» دامىتۋ اياسىندا بيىل كەلىسىمشارتتاردى تىر­كەۋ ۋاقىتىن تاعى بىرنەشە ساعات­قا قىسقارتۋ جوسپارلانىپ وتىر. سونداي-اق قۇرى­لىس كوم­پانيالارىنىڭ جەكە كابينەتىن قۇرۋ دا ماڭىزدى قادام سانالادى», دەپ جازادى Ranking.

ۇلەستىك تۇرعىن ءۇي قۇرى­لىسى نارىعىن جەتىلدىرۋ جانە ۇلەسكەرلەر قاراجاتىنىڭ ساقتالۋىن قامتاماسىز ەتۋ ماقساتىندا قوسىمشا شارالار قابىلداۋ بويىنشا مىناداي ۇسىنىستار بەرىلىپ وتىر.

بىرىنشىدەن, «تۇرعىن ءۇي قۇرىلىسىندا ۇلەستىك قاتىسۋ تۋرالى» زاڭىن بۇزعانى ءۇشىن جازانى كۇشەيتۋ. ۇلەس­كەردەن اقشانى زاڭسىز جولمەن الىپ, قاراجاتتى ماقساتسىز پايدالانعانى ءۇشىن جاۋاپتى تۇلعالاردى قىلمىستىق جاۋاپكەرشىلىككە تارتۋ. ەكىن­شىدەن, «قازاقستان تۇر­عىن ءۇي كوم­پانياسى» اق كەپىل­دىگىن الۋ ارقىلى ۇلەس­تىك قۇرى­لىس جۇر­گىزىپ جات­قان قۇرى­لىس سالۋ­شى­نى رەي­تينگ­تىك باعا­لاۋ جۇ­يە­سىن ەنگىزۋ قا­راستى­رى­لىپ وتىر. اتالعان مەحانيزم بو­يىن­شا, قارجىلىق ور­نىق­تى كوم­­پ­ا­نيالار ءۇشىن ادەت­تەگى كەپىل­دەن­دىرۋ مەحا­نيزمى ساقتا­لا­دى, ال رەي­تين­گى تومەن كوم­پا­نيا­لار­عا حا­لىق قارجى­سى ۋاكى­لەتتى مەم­لە­كەتتىك ورگان ارقىلى بەرىلەدى.

قاي كەزدە دە, جاۋاپكەر­شىلىكتى كۇشەيتۋگە سەپ بولاتىن فاكتور – قاتال تالاپ پەن قاتاڭ جازا. جاۋاپكەرشىلىكتەن جالتارعان قۇرىلىس كومپانيا­سى سوندا عانا ىعادى. ۇلەستىك قۇرىلىس سالاسىن اشىق ەتۋگە باعىتتالعان شارالار جەمىسىن بەرەدى, ۇلەسكەرلەر پروبلەماسى شەشىلەدى دەپ ۇمىتتەنەمىز.