سىبايلاس جەمقورلىققا قارسى قىزمەت كاسىپكەردەن اقشا تالاپ ەتكەن قىلمىستىق توپتىڭ مۇشەسىن ۇستادى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
سىبايلاس جەمقورلىققا قارسى قىزمەت كاسىپكەردەن مەملەكەتتىك ساتىپ الۋ تۋرالى كونكۋرستا جەڭىمپاز دەپ تانىعانى ءۇشىن ەلوردا كۆازيمەملەكەتتىك سەكتورى سۋبەكتىلەرىنىڭ ءبىرىنىڭ باسشىلىعىنا پارا رەتىندە ارنالعان اقشا قاراجاتىن تالاپ ەتكەن كريمينالدىق توپتىڭ وكىلىن اشكەرەلەۋ بويىنشا ارنايى وپەراتسيا جۇرگىزدى.
وسى جىلدىڭ 25 ماۋسىمىندا اتالعان ادام 15 ميلليون تەڭگە العان كەزدە ۇستالىپ, تەرگەۋ سوتىنىڭ سانكتسياسىمەن قاماۋعا الىنعان ەدى.«ۇستالعانداردىڭ تۇراتىن جانە باراتىن جەرلەرىنەن تىركەلمەگەن جاۋىنگەرلىك اتىس قارۋى – «تت» جانە «Smith&Wesson» ماركالى تاپانشالارى مەن ولاردىڭ پاتروندارى, سونداي-اق قولدان جاسالعان جارىلعىش قۇرىلعىنىڭ مۋلياجى, كاستەت, پىشاقتار جانە سۋىق قارۋدىڭ باسقا دا تۇرلەرى تابىلىپ, تاركىلەندى. كىنالىلىك تۋرالى قورىتىندى شەشىمدى سوت انىقتايدى», دەلىنگەن ANTIKOR حابارلاماسىندا.