شىعىس قازاقستان وبلىسى بويىنشا كولىكتىك باقىلاۋ ينسپەكتسياسىنىڭ 7 قىزمەتكەرى جۇيەلى سىبايلاس جەمقورلىق ارەكەتتەرىن جاساعانى ءۇشىن جاۋاپقا تارتىلدى, دەپ حابارلايدى Egemen.kz ANTIKOR ءباسپاسوز قىزمەتىنە سىلتەمە جاساپ.
ايىپتالۋشىلار 2021 جىلعى شىلدە-قىركۇيەك ارالىعىندا الدىن الا ءسوز بايلاسۋ ارقىلى جۇك تاسىمالداۋشىلاردان وبلىس اۋماعى بويىنشا كەدەرگىسىز ءجۇرىپ-تۇرۋ جانە جالپى قامقورلىق ءۇشىن 10-نان 300 مىڭ تەڭگەگە دەيىن پارا العان.شقو انتيكوررۋپتسيالىق قىزمەتى جۇرگىزگەن سىبايلاس جەمقورلىق تاۋەكەلدەرىن سىرتقى تالداۋ بارىسىندا جاۋاپكەرشىلىكتەن جالتارۋدىڭ ءجيى قولدانىلاتىن سحەماسى انىقتالعان.«تالداۋ بارىسىندا ينسپەكتورلار تەكسەرۋ ءىس-شارالارى كەزىندە بەينەتىركەۋ ءتارتىبىن ساقتامايتىنى انىقتالدى. ءىس جۇزىندە بارلىق جاعدايلاردا ولار تەك كولىك قۇرالىن توقتاتۋ جانە قاجەتتى قۇجاتتاردى سۇراۋ پروتسەسىن تىركەدى. باقىلاۋ ءراسىمىنىڭ ءوزى تىركەلگەن جوق, ال قولدا بار 289 بەينەجازبا بويىنشا كۇندەر مەن ۋاقىتتاردا سايكەسسىزدىكتەر انىقتالدى. سىبايلاس جەمقورلىق تاۋەكەلدەرىنە جۇرگىزىلگەن سىرتقى تالداۋ قورىتىندىلارى بويىنشا كبي-نا سىبايلاس جەمقورلىق قۇقىق بۇزۋشىلىقتار جاساۋعا ىقپال ەتەتىن سەبەپتەر مەن جاعدايلاردى جويۋ بويىنشا ۇسىنىمدار ەنگىزىلدى», دەلىنگەن ۆەدومستۆو حابارلاماسىندا.