توتەنشە جاعدايلار مينيسترلىگىنىڭ ءباسپاسوز قىزمەتى حابارلاعانداي, نۇر-سۇلتان قالاسىندا تالدىكول ماڭىندا بولعان دالا ءورتى ەكى تاۋلىكتەن كەيىن تولىق ءسوندىرىلدى, دەپ جازادى Egemen.kz.
«20 ماۋسىم كۇنى ساعات 15:03-تە «101» پۋلتىنە ەسىل اۋدانىنداعى قورعالجىن تاسجولىنىڭ بويىندا قۇرعاق ءشوپتىڭ ورتەنىپ جاتقانى تۋرالى حابارلاما كەلىپ ءتۇستى. وقيعا ورنىنا جەتكەن ءورت سوندىرۋشىلەر اشىق اۋماقتا قامىس پەن قۇرعاق ءشوپ جانىپ جاتقانىن انىقتادى. ەلوردالىق ءورت سوندىرۋشىلەر ورتپەن ەكى تاۋلىك بويى ارپالىستى. وقيعا ورنىندا تجم-ءنىڭ مي-8 تىكۇشاعى 27 رەت سۋ توكتى. كەشە ساعات 18:53-تە ءورت وقشاۋلاندىرىلىپ, بۇگىن ساعات 05:55-تە تولىعىمەن جويىلدى. ءورتتىڭ شىعۋىنىڭ الدىن الا سەبەبى وتتى ابايسىز قولدانۋ بولۋى مۇمكىن. جالىنمەن كۇرەسكە 86 قىزمەتكەر مەن 14 تەحنيكا جۇمىلدىرىلدى. قازا بولعاندار مەن زارداپ شەككەندەر جوق», دەلىنگەن حابارلامادا.