الماتىدا ساين مەن شالياپين كوشەلەرىنىڭ قيىلىسىندا سالىنىپ جاتقان عيماراتتىڭ جابىنى ورتەندى, دەپ حابارلايدى Egemen.kz.
قالالىق توتەنشە جاعدايلار دەپارتامەنتىنىڭ مالىمەتىنشە, 21 ماۋسىم كۇنى تاڭعى ساعات 09:46 شاماسىندا اۋەزوۆ اۋدانىنداعى «استانا» ىقشاماۋدانى 1/10 مەكەنجايى بويىنشا جوعارى دارەجەلى ءورت ءسوندىرۋ بولىمشەلەرى شىقتى.
ء«ورت ءسوندىرۋ بريگاداسى وقيعا ورنىنا ءتورت مينۋتتا جەتتى. ولار سالىنىپ جاتقان عيماراتتىڭ جابىنى ورتەنىپ جاتقانىن انىقتادى. 10 مينۋتتىڭ ىشىندە ءورت وقشاۋلانىپ, 10:09-دا ءسوندىرىلدى. زارداپ شەككەندەر مەن قازا تاپقاندار جوق», دەپ مالىمدەدى الماتى قالاسى توتەنشە جاعدايلار دەپارتامەنتىنىڭ ءباسپاسوز قىزمەتى.
توتەنشە جاعدايلار دەپارتامەنتى نىسان يەلەرىنە قۇرىلىس-مونتاج جۇمىستارىن جۇرگىزۋ كەزىندە ءورت قاۋىپسىزدىگى ەرەجەلەرىن ساقتاۋدى سۇرايدى.
ايانا توعانبەك